تەكسەرۋ بارىسىندا كولىكتەگى جولاۋشىدان پوليەتيلەن پاكەتىنە ورالعان ءشوپ ۇنتاقتارى تاركىلەنىپ, ساراپتاماعا جولداندى. ساراپتاما تاركىلەنگەن زاتتىڭ كەپتىرىلگەن ماريحۋانا ەكەندىگىن انىقتاعان. كۇدىكتى ۇستالىپ, اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 296-بابى 2-بولىگىمەن سوتقا دەيىنگى تەرگەپ-تەكسەرۋ ارەكەتتەرى جۇرگىزىلۋدە.
ال 13 ماۋسىمدا ءدال وسى جالاعاش اۋدانىنداعى اققىر اۋىلىنان شىعىسقا قاراي شامامەن 9 شاقىرىمداعى «قىزىل شۇقىر» دەپ اتالاتىن جەر ۋچاسكەسىندەگى قالىڭ شەڭگەل اراسىنان ءىرى ەسىرتكى القابى انىقتالدى. قىزىلوردا وبلىسىنىڭ تۇرعىنى زاڭمەن تىيىم سالىنعان سورا وسىمدىگىن ءىرى مولشەردە ەگىپ, كۇتىپ باپتاپ وسىرگەن.
وقيعا ورنىنا جەدەل تەرگەۋ توبىمەن قاراپ-تەكسەرۋ جۇرگىزۋ بارىسىندا 1149 ءتۇپ سورا وسكەنى انىقتالىپ, ۇلگى رەتىندە 16 ءتۇبى الىندى. ال قالعانى وقيعا ورنىندا ورتەلدى.
ودان بولەك وقيعا باسىنان ۇستالعان كۇدىكتىنى جەكە ءتىنتۋ بارىسىندا ودان گازەت قيىندىسىنا ورالعان ەسىرتكى زاتى الىندى. كۇدىكتى اۋداندىق پوليتسيا ءبولىمىنىڭ ۋاقىتشا ۇستاۋ يزولياتورىنا وقشاۋلاندىرىلدى.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 300 - بابى 2 - بولىگىنىڭ 3 - تارماعىمەن سوتقا دەيىنگى تەرگەپ-تەكسەرۋ ارەكەتتەرى باستالدى.
