باسقارما باسشىسىنىڭ ايتۋىنشا, اتىراۋ وبلىسىنىڭ 2021-2025 جىلدارعا ارنالعان الەۋمەتتىك-ەكونوميكالىق دامۋىنىڭ كەشەندى جوسپارىنا 14 مەديتسينالىق ەمدەۋ نىسانىن اشۋ ەنگىزىلگەن. قازىر 4 نىساننىڭ قۇرىلىسى باستالعان.
«وبلىستىڭ دەنساۋلىق ساقتاۋ سالاسىندا 35 مەكەمە بار. وندا 6 747 مەديتسينا قىزمەتكەرى تۇرعىندارعى قىزمەت كورسەتەدى. اتىراۋ قالاسىنداعى «وركەن», «نۇرسايا» شاعىن اۋداندارىندا №4 جانە №5 قالالىق ەمحانالارعا قوسىمشا 250 كەلۋشىنى قابىلدايتىن ەكى قالالىق ەمحانا قۇرىلىسىن سالۋ جوسپارلانىپ وتىر. ەمحانالاردىڭ جوبالاۋ-سمەتالىق قۇجاتتارى جاساقتالدى. سونىمەن قاتار, 250 ەمدەلۋشىگە ارنالعان پسيحيكالىق دەنساۋلىق ورتالىعى سالىنادى. ونىڭ قۇرىلىس جۇمىستارى وسى جىلدىڭ 4-توقسانىندا باستالادى», دەيدى اسحان بايدۋاليەۆ.
ونىڭ مالىمەتىنە قاراعاندا, اتىراۋ قالاسىندا قۇرىلىسى باستالاتىن جەدەل جاردەم ستانساسىن 3 پودستانتسياسىمەن سالۋ جوباسىنا تۇزەتۋ ەنگىزىلگەن. قازىر جاڭا جوبا ىشكى اۋديت دەپارتامەنتىندە ساراپتامادان وتكىزىلىپ جاتىر.
«جاڭا نىسانىڭ قۇرىلىسىن 3-توقساندان باستاۋ كوزدەلگەن. وبلىستىق ونكولوگيالىق ديسپانسەر ماڭىنان راديولوگيالىق كورپۋس سالۋ جوسپارلانىپ وتىر. ونىڭ جوبالىق-سمەتالىق قۇجاتىن دايىنداۋ قولعا الىندى», دەپ ءمالىم ەتتى باسقارما باسشىسى.
