«قازىرگى ۋاقىتتا ەلدە جانار-جاعارمايدىڭ, سونىڭ ىشىندە ديزەل وتىنىنىڭ تاپشىلىعى بايقالىپ وتىرعان جوق», دەلىنگەن رومان سكلياردىڭ دەپۋتاتتار ساۋالىنا جازىلعان جاۋاپتا.
ول ءوز جاۋابىندا ىشكى مۇناي ونىمدەرىنىڭ تەڭگەرىمىن ساقتاۋ ماقساتىندا 2022 جىلدىڭ اياعىنا دەيىن مۇناي ونىمدەرىن قازاقستان اۋماعىنان سىرتقا اكەتۋگە تىيىم سالۋ ماسەلەسى پىسىقتالىپ جاتقانىن ايتتى. ال ىشكى نارىقتا جانارماي ساۋداسىنىڭ شەكتەۋلى كولەمدە عانا ءجۇرۋىن بولدىرماۋ ءۇشىن سۇرانىس, ۇسىنىس, باعا تەڭگەرىمىنە ۇدايى تالداۋ جاسالىپ وتىر.
«بۇگىندە مۇناي وڭدەۋ زاۋىتتارى شتاتتىق رەجيمدە جۇمىس ىستەيدى. وعان قوسا جانارماي ءوندىرۋ جانە تاراتۋ جۇيەسىن رەفورمالاۋدىڭ كەشەندى شارالارى قابىلداندى. ول بويىنشا ءونىمسىز دەلدالداردى نارىقتان ىعىستىرىپ, مۇنايدى وڭدەۋشى زاۋىتتارعا جەتكىزۋ سحەماسى قايتا قارالادى. وسىلايشا ۇكىمەت جانار-جاعارماي باعاسىنىڭ نەگىزسىز ءارى كۇرت ءوسۋىن بولدىرماۋ ءۇشىن قاجەتتى شارانىڭ ءبارىن قابىلداپ جاتىر», دەدى رومان سكليار.
