«پرەزيدەنتتىڭ وكىمىمەن ەرلىك ابدىراقىم ۇلى كەنەنباەۆ قازاقستان رەسپۋبليكاسى باس پروكۋرورىنىڭ ورىنباسارى لاۋازىمىنان بوساتىلدى», دەلىنگەن حابارلامادا.
ونىڭ ورنىنا مەملەكەت باسشىسىنىڭ وكىمىمەن جاندوس جانىبەك ۇلى ومىراليەۆ تاعايىندالدى.
جاندوس جانىبەك ۇلى ومىراليەۆ, 1978 جىلى دۇنيەگە كەلگەن, ءبىلىمى جوعارى, اباي اتىنداعى الماتى مەملەكەتتىك ۋنيۆەرسيتەتىن بىتىرگەن.
ەڭبەك جولىن 2000 جىلى اۋدان پروكۋرورىنىڭ كومەكشىسىنەن باستاپ, وسى سالادا ۇزدىكسىز 18 جىلدان استام قىزمەت اتقارىپ كەلەدى.
اقتوبە وبلىسى پروكۋراتۋراسى جانە باتىس ايماقتىق كولىك پروكۋراتۋراسىندا باسشى لاۋازىمداردى اتقارعان.
2010-2011 جىلدارى زاڭدىلىق, قۇقىقتىق ءتارتىپ جانە قىلمىسپەن كۇرەس جونىندەگى قازاقستان رەسپۋبليكاسى ۇيلەستىرۋ كەڭەسىنىڭ حاتشىسى - باس پروكۋروردىڭ اسا ماڭىزدى تاپسىرمالار جونىندەگى كومەكشىسى بولعان.
2011-2017 جىلدارى اراسىندا الماتى قالاسى پروكۋرورىنىڭ ورىنباسارى قىزمەتىن اتقارعان.
2017-2018 جىلدارى قازاقستان رەسپۋبليكاسى باس پروكۋراتۋراسىنىڭ كادرلىق دامۋ دەپارتامەنتىنىڭ باستىعى جانە زاڭدى كۇشىنە ەنگەن ۇكىمدەردىڭ زاڭدىلىعىن جانە ولاردىڭ ورىندالۋىن قاداعالاۋ قىزمەتى باستىعىنىڭ ورىنباسارى لاۋازىمدارىن اتقارعان. «ەرەن ەڭبەگى ءۇشىن» مەدالىمەن ناگرادتالعان. جانۇيالى, ءتورت بالا تاربيەلەپ وتىر.
