ء«بىرىنشى كەزەكتە جاستار ءوز ءومىرىن نە سەبەپتى قيىپ جاتقانىن ءتۇسىنۋ كەرەك. بۇعان تەك اسكەر عانا كىنالى ەمەس. اسكەرگە كەلگەن جىگىتتىڭ ءومىرى ءۇشىن جاۋاپكەرشىلىك كومانديرگە جۇكتەلەدى. دەگەنمەن ولار اسكەرگە ازاماتتىق قوعامنان كەلەدى جانە بۇل جاستاردىڭ وزدەرىنىڭ پروبلەمالارى دا بولادى. اسكەردىڭ ماقساتى – بىزگە اقىل-ويى جەتىلىپ كەلگەن ادامنىڭ پروبلەمالارىن شەشۋگە جاردەم جاساۋ», دەدى رۋسلان جاقسىلىقوۆ ماجىلىستە تىلشىلەر ساۋالىنا جاۋاپ بەرە وتىرىپ.
سونىمەن قاتار مينيستر قازىرگى كەزدە مەملەكەت باسشىسىنىڭ تاپسىرماسى بويىنشا جاۋىنگەرلىك دايارلىقتىڭ باعدارلاماسى تولىقتاي قايتا قارالعانىن اتاپ ءوتتى.
«بارلىق ساربازدىڭ كاسىبي ءارى ساپا دەڭگەيىن كوتەرۋ ماقساتىندا ءتيىستى جۇمىستار جۇرگىزىلىپ جاتىر. قازىر ءتيىستى ەكسپەريمەنتتەر ەسكەرىلگەن. مۇنىمەن قوسا, جاۋىنگەرلىك دايارلىق باعدارلامالارى اياسىنداعى جۇمىستاردىڭ قارقىنىن كۇشەيتۋ ماقساتىن قويدىم», دەدى ۆەدومستۆو باسشىسى.
بۇدان بۇرىن حابارلانعانداي, جاقىندا ماڭعىستاۋ وبلىسىندا شەكارا قىزمەتىندە اسكەري بورىشىن وتەپ جۇرگەن سارباز ءوز-وزىنە قول سالعان ەدى.
ايتا كەتەيىك, پرەزيدەنت ارميادا ءولىم-ءجىتىمنىڭ جيىلەۋىنە بايلانىستى كوميسسيا قۇرۋدى تاپسىردى.
