«2021 جىلى رەسپۋبليكالىق بيۋدجەتتىڭ اتقارىلۋى كوروناۆيرۋس پاندەمياسىنىڭ تەرىس اسەرلەرى جاعدايىندا جۇزەگە اسىرىلدى. دەسە دە 2020 جىلمەن سالىستىرعاندا ىسكەرلىك بەلسەندىلىكتىڭ جاندانۋى بايقالدى. جالپى ىشكى ءونىمنىڭ ءوسىمى 4%-دى قۇرادى. ەكونوميكانىڭ بارلىق نەگىزگى سالالارىندا وڭ ناتيجەگە قول جەتكىزىلدى. ماسەلەن, ونەركاسىپ ءوندىرىس كولەمى 3,8%-عا, قۇرىلىس 7,6%-عا, كولىك جانە ساۋدا سالالارى تيىسىنشە 3,6%-عا جانە 9,2%-عا ءوستى. جاھاندىق پاندەميادان كەيىن قالىپتاسقان سۇرانىستى جانە وندىرىستەر مەن لوگيستيكالىق تىزبەكتەردىڭ بۇزىلۋىن قالپىنا كەلتىرۋ اياسىندا تاۋارلار مەن كورسەتىلەتىن قىزمەتتەرگە باعانىڭ جاپپاي ءوسۋى بايقالدى», دەدى ەرۇلان جاماۋباەۆ.
ول وتكەن جىلدىڭ قورىتىندىسى بويىنشا ينفلياتسيا دەڭگەيى 8,4%-دى قۇراعانىن ەسكە سالدى.
«نەگىزگى كاپيتالعا سالىنعان ينۆەستيتسيالار كولەمى 3,5%-عا ۇلعايدى. جۇمىسسىزدىق 4,9% دەڭگەيىندە ساقتالدى», دەدى مينيستر.
قارجى ءمينيسترى رەسپۋبليكالىق بيۋدجەتتىڭ اتقارىلۋى كورسەتكىشتەرىنە دە توقتالا كەتتى.
«تۇسىمدەر 100,8%-عا اتقارىلىپ, 12,7 ترلن تەڭگەنى قۇرادى. شىعىستار 99,2%-عا يگەرىلىپ, 15,2 ترلن تەڭگەنى قۇرادى. الەۋمەتتىك شىعىستار 2020 جىلمەن سالىستىرعاندا 910 ملرد تەڭگەگە ۇلعايىپ, 7,5 ترلن تەڭگەنى قۇرادى. بۇل رەسپۋبليكالىق بيۋدجەتتىڭ جالپى كولەمىنىڭ 50 پايىزىن قامتىدى», دەدى ول.
