ول iOS وپەراتسيالىق جۇيەسىنىڭ جاڭا نۇسقاسىنا كيريلل قارپىنەن لاتىن گرافيكاسىنا اۆتوماتتى تۇردە ترانس-ليتەراتسيا جاساۋدى ۇسىندى. ءمۋسيننىڭ ايتۋىنشا, بۇل قادام ءبىزدىڭ ەل ازاماتتارىنىڭ لاتىن جازۋىنا تەز بەيىمدەلۋىنە سەپتىگىن تيگىزەدى.
«بارلىق قازاقستاندىقتاردىڭ اتىنان تيم كۋكقا قازاق ءتىلىن iOS جانە اۆتوماتتى اۋىستىرۋ سياقتى ءتۇرلى فۋنكتسيالارعا قوسقانى ءۇشىن العىس بىلدىرەمىن. سونداي-اق Apple كيريلل قارپىنەن لاتىن گرافيكاسىنا اۆتوماتتى تۇردە ترانسليتەراتسيا جاساۋ قىزمەتىن دە قوسسا, ريزا بولىپ قالار ەدىك» دەيدى مينيستر.
جاقىندا Apple iOS 16 ۇيالى وپەراتسيالىق جۇيەسىن تانىستىرعان ەدى. وعان العاش رەت قازاق ءتىلى ەنگىزىلدى. بۇل وزگەرىستى iPhone 8-دەن جوعارى ۇلگىلەردى تۇتىناتىن ازاماتتار پايدالانا الادى.
ايتا كەتەيىك, iPhone-دا قازاق تىلىندەگى پەرنەتاقتا وسىدان 3 جىل بۇرىن پايدا بولىپ, ەل تۇرعىندارى قازاق ءتىلدى پەرنەتاقتانى ەركىن قولدانا باستاعان ەدى.
