بقو پوليتسيا دەپارتامەنتىنىڭ ءباسپاسوز قىزمەتكەرى, پوليتسيا مايورى داريعا ءماجيتوۆانىڭ ءمالىم ەتكەنىندەي, وقيعا 7 مامىر كۇنى شامامەن ساعات 19.15-تە بولدى.
«جالپاقتال-چاپاەۆ اۆتوجولىنىڭ 115-شاقىرىمىندا «لەكسۋس» اۆتوكولىگى اۋدارىلىپ قالدى. جول اپاتى سالدارىنان 1986 جىلعى جۇرگىزۋشى وقيعا ورنىندا قايتىس بولدى. اۆتوكولىكتە وتىرعان جولاۋشى, بولجام بويىنشا جۇرگىزۋشىنىڭ ايەلى جالپاقتال اۋىلىنداعى اۋداندىق اۋرۋحاناعا جاتقىزىلدى. تۇندە ورال قالاسىندا تۇرعان 1990 جىلعى جولاۋشى ايەل كوز جۇمدى. قازىر قر قك 345-بابىنا سايكەس قىلمىستىق ءىس قوزعالىپ, وقيعانىڭ جاي-جاپسارى انىقتالۋ ۇستىندە», دەدى د.ءماجيتوۆا.
