فورۋمنىڭ اشىلۋ سالتاناتىندا تۇركى مەملەكەتتەرى ۇيىمىنىڭ باس حاتشىسى باعداد امىرەەۆ بۇحارا قالاسىنا «تۇركى الەمى جاستار باستامالارىنىڭ العاشقى استاناسى» مارتەبەسىن بەرۋ تۋرالى رەسمي سەرتيفيكاتتى تابىستادى.
فورۋمعا قازاقستان اتىنان قۇرامىندا پرەزيدەنت جانىنداعى جاستار ساياساتى جونىندەگى كەڭەستىڭ مۇشەلەرى, «تاۋەلسىزدىك ۇرپاقتارى» گرانتىنىڭ يەگەرلەرى, مۋزىكا, سپورت, كرەاتيۆتى يندۋستريا جانە IT سالالارىندا جەتىستىككە قول جەتكىزگەن تالانتتى جاستار بار دەلەگاتسيا قاتىستى.
«فورۋم جۇمىسى قوعام, عىلىم, مادەنيەت جانە مەديا جوبالار - 4 وزەكتى باعىت بويىنشا جۇرگىزىلدى. ءىس-شارادا جاس كوشباسشىلار وزدەرىنىڭ ەڭ ۇزدىك جوبالارىن تانىستىردى. ۇزدىك سپيكەرلەردىڭ قاتارىندا «اѕاگ-Ume» قايىرىمدىلىق قورىنىڭ جەتەكشىسى اسحات نۇرماشەۆ پەن «لايف-نيۋس» الەۋمەتتىك جوباسىنىڭ جەتەكشىسى دينارا ناۋموۆا بولدى. ا.نۇرماشەۆ باسپاناعا مۇقتاج جاندارعا قولداۋ كورسەتەتىن «اѕاگ-Ume» قايىرىمدىلىق قورىنىڭ قىزمەتىمەن تانىستىرىپ, بۇل قور حالىقتىڭ كومەگىمەن جينالعان قاراجاتقا تۇرعىن ۇيگە مۇقتاج ادامداردى باسپانامەن قامتاماسىز ەتەتىنىن ايتتى. بۇل جوباعا باسقا ەلدەردىڭ جاستارى قىزعۋشىلىق تانىتىپ, بولاشاقتا وسىنداي جوبالاردى بىرلەسىپ جۇزەگە اسىرۋعا نيەت ءبىلدىردى. د.ناۋموۆا تىرەك-قيمىل اپپاراتى بۇزىلعان جاس تۇلعالاردى وڭالتۋ جايىندا وي ءبولىستى», دەيدى ابقو باسقارما توراعاسىنىڭ ورىنباسارى جاسۇلان بيسەمبيەۆ.
سونداي-اق, بۇل كۇندەرى «تۇركى الەمىنىڭ جاستار ساياباعى» جانە «بۇحارا - تۇركى الەمىنىڭ جاستار باستامالارىنىڭ العاشقى استاناسى» مونۋمەنتى اشىلدى.
ايتا كەتسەك, جاس كوشباسشىلار فورۋمى ءتۋريزمدى دامىتۋ, مەملەكەتتەر اراسىنداعى ىنتىماقتاستىقتى نىعايتۋ جانە تاجىريبە الماسۋ ماقساتىندا 2018 جىلدان بەرى ءداستۇرلى تۇردە وتكىزىلىپ كەلەدى.
وسى ۋاقىتقا دەيىن فورۋم ازەربايجان, قازاقستان جانە قىرعىزستان سياقتى ەلدەردە ءوتتى. فورۋم اياسىنداعى ءىس-شارالار مەن كەزدەسۋلەرگە بارلىعى 10 مىڭنان استام جاس قاتىستى. كەلەسى فورۋم تۇركيانىڭ بۋرسا قالاسىندا وتەدى دەپ كۇتىلۋدە.
