مىسالى, وبلىس ورتالىعىنداعى №15-ءشى ۋچاسكەنىڭ تىزىمىنە تىركەلگەندەردىڭ 70 پايىزى وسى ۋاقىتقا دەيىن تاڭداۋ جاساپ ۇلگەرىپتى.
«تاڭعى 6:00-دە جۇمىسقا كەلدىك. التى جارىمدا بيۋللەتەندەردى الىپ, جاشىكتەرگە پلومبا سالدىق. ساعات 7-گە 10 مينۋت قالعاندا ءانۇران وينالدى. ساعات تۋرا جەتىدە ۋچاسكەنى اشتىق. ءبىرىنشى كەلگەن داۋىس بەرۋشىلەرگە, بۇگىن تۋعان كۇنى بولىپ جاتقان تۇرعىندارعا شاعىن ەسكەرتكىش سىيلىقتارىمىزدى بەرىپ جاتىرمىز. 
حالىقتىڭ رەفەرەندۋمعا دەگەن ىقىلاسى وتە جاقسى, ك ۇلىپ كەلىپ, داۋىس بەرىپ, ىزگى تىلەكتەرىن ايتىپ كەتىپ جاتىر. بۇل ۋچاسكەدە 1427 ادام داۋىس بەرۋ كەرەك, قازىر, مىنە, ءتۇس اۋىپ بارادى, بىزگە تىركەلگەن تۇرعىنداردىڭ شامامەن 70 پايىزعا جۋىعى كەلىپ ءوز تاڭداۋلارىن ءبىلدىرىپ كەتتى. بىزدە داۋىس بەرەتىن ەكى جاشىك بار, بىرەۋى وسىندا تۇرادى. ەكىنشىسىن رەفەرەندۋم ۋچاسكەسىنە كەلە المايتىن قاريالاردىڭ, كوزى كورمەيتىن, ارباعا تاڭىلىپ وتىرعان مۇمكىندىگى شەكتەۋلى ادامداردىڭ ۇيلەرىن ارالاۋعا شىققان وكىلدەرىمىز وزدەرىمەن بىرگە الىپ ءجۇر. كوميسسيا مۇشەلەرى مۇنداي 14 ادامنىڭ مەكەنجايىنا كىرىپ شىعادى. ول كىسىلەرمەن ءبىر جەتى بۇرىن حابارلاسىپ, كەلىسىپ قويدىق. جىلجىمالى جاشىك 16:00-گە دەيىن وسىندا كەلۋى ءتيىس», دەدى رەفەرەندۋم ۋچاسكەسىنىڭ توراعاسى ەرلان بيماعامبەتوۆ.
