بۇگىن تاڭەرتەڭ سەۋلگە ۇشىپ بارعان «ەير استانا» اۋە كومپانياسىنىڭ قىزمەتكەرلەرى قوناق ۇيدە داۋىس بەردى. ولاردىڭ داۋىس بەرۋىن ەكى ادامنان تۇراتىن كوميسسيا باقىلادى.
«بۇل ەلدىڭ اۆياتسيالىق قاۋىپسىزدىك تالاپتارىنا بايلانىستى, 24 ساعات ىشىندە ۇشىپ كەلگەن ۇشقىشتار مەن ەكيپاج مۇشەلەرىنە كارانتين ورنىنان كەتۋگە تىيىم سالىنادى», دەپ مالىمدەيدى قر ءسىم.
بىشكەك, تاشكەنت, اشحاباد, دۋشانبە, ەرەۆان مەن تبيليسيدە داۋىس بەرۋگە ارنالعان ۋچاسكەلەر جۇمىس ىستەپ جاتىر. سونداي-اق, نيۋ-دەلي, يسلاماباد, تاياۋ شىعىستا ابۋ-دابي, دۋباي, ەر-رياد, دجيددا, ماسكات, دوحا, اممان, كاير, تەل-اۆيۆتەگى ۋچاسكەلەردىڭ ەسىگى داۋىس بەرۋشىلەر ءۇشىن اشىق. تۇركيانىڭ انكارا, ىستانبۇل جانە انتاليا قالالارىندا, ال رەسەيدىڭ ماسكەۋ, سانكت-پەتەربۋرگ, قازان, استراحان مەن ومبىداعى داۋىس بەرۋ ۋچاسكەلەرى قازاقستان ازاماتتارى ءۇشىن جۇمىس ىستەپ تۇر.
«يرانداعى وتانداستارىمىزدىڭ وتىنىشتەرى نەگىزىندە ۋچاسكەلىك كوميسسيا «زاركۋح» قازاقستاندىق كومپانياسىنا تيەسىلى جانە ەلدىڭ باتىس بولىگىندە ورنالاسقان التىن كەن ورنىندا داۋىس بەرۋ پروتسەسىن جۇزەگە اسىردى», دەيدى قر ءسىم.
