مەملەكەتتىك قولداۋ شارالارى جۇيەلى جۇرگىزىلەدى

ول مەملەكەت باسشىسىنىڭ تاپسىرماسى بويىنشا الەۋمەتتىك كومەك كور­سە­تۋدىڭ اشىقتىعى مەن وبەك­تيۆ­تىلىگىن قامتاماسىز ەتۋ, سونداي-اق ەڭبەككە ىنتالاندىرۋ ماقساتىندا 2020 جىلدان باستاپ قازاقستاندا ااك كورسەتۋدىڭ جاڭا تاسىلدەرى ەنگىزىلگەنىن ەسكە سالدى.

«بۇل – تابىسى وڭىرلىك ەڭ تومەنگى كۇنكورىس دەڭگەيى مولشەرىنىڭ 70%-ىنان اسپايتىن ازاماتتارعا توقسان سا­يىن الەۋمەتتىك كومەك تاعايىنداۋ (وتبا­سىنىڭ ءاربىر مۇشەسىنە ايىنا ورتا ەسەپ­پەن 10 270 تەڭگە), تۇرمىسى تومەن وت­با­سىلاردىڭ 1 جاستان 6 جاسقا دەيىنگى بالالارىنا ازىق-ت ۇلىك جانە تۇرمىستىق حيميا جيىنتىعى تۇرىندەگى كەپىلدىك بەرىلگەن الەۋمەتتىك توپتاما (الەۋمەتتىك توپتاما) ۇسىنۋ ء(بىر بالاعا ايىنا ورتا ەسەپپەن 8 مىڭ تەڭگەگە دەيىن). وسى رەتتە ااك الاتىن وتباسىلارعا ومىرلىك قيىن جاعدايدان شىعۋ بويىنشا جاردەم شارالارى كورسەتىلەدى. اتاۋلى الەۋمەتتىك كومەك, بۇل مەملەكەتتىڭ ۋاقىتشا قول­داۋى. ونىڭ باستاپقى ماقساتى – جۇ­مىس­قا قابىلەتتى وتباسى مۇشەلەرىن جۇ­مىسقا ورنالاستىرۋ, ءوز ءىسىن اشۋعا ىنتا­لانعان وتباسىلارعا گرانتتار بەرۋ, كاسىپ­كەرلىك باستامانى قولداۋ, قاجەت بولعان جاعدايدا بىلىكتىلىكتى ارتتىرۋ كۋرستارىنا جىبەرۋ ارقىلى تابىسى از وتباسىلاردى كەدەيلىك جاعدايىنان شىعارۋعا قول جەتكىزۋ», دەدى ا.نيازوۆ.

ونىڭ ايتۋىنشا, بىلتىر ااك-ءتى جالپى سوماسى 65,6 ملرد تەڭگەگە 198,4 مىڭ وتباسى (990,5 مىڭ ادام), بيىلعى 1 مامىرداعى جاعداي بويىنشا 18,8 ملرد تەڭگەگە 111,4 مىڭ وتباسى (571,1 مىڭ ادام) الدى. وڭىرلىك بولىنىستە 2021 جىلدىڭ قورىتىندىسى بويىنشا ااك الۋشىلاردىڭ ەڭ كوپ سانى شىمكەنت قالاسىندا – 47,2 مىڭ وتباسى (23,8%), تۇركىستان وبلىسىندا – 42,9 مىڭ وتباسى (21,7%) جانە الماتى وبلىسىندا – 22,6 مىڭ وتباسى (11,4%) بايقالادى. ااك الۋشىلار سانى ەڭ از وڭىرلەر قاتارىندا سولتۇستىك قازاقستان وبلىسى – 2,7 مىڭ وتباسى (1,3%) جانە اتىراۋ وبلىسى – 1,6 مىڭ وتباسى (0,8%). كومەك الۋشىلار قۇرىلىمىندا باسىم كوپشىلىگى بالالار ۇلەسىنە تيەسىلى – 63,1% نەمەسە 623,9 مىڭ ادام. 18,3% نەمەسە 181,6 مىڭ ادام – جۇمىس ىستەيتىن ازاماتتار; 10,2% نەمەسە 101,4 مىڭ ادام – بالالاردى, قارت ادامداردى, مۇگەدەكتىگى بار ادام­داردى كۇتەتىن ادامدار; قالعان 8,4%-ى ازاماتتاردىڭ باسقا ساناتتارىنا تيەسىلى.

«بيىلعى 1 مامىرداعى جاعداي بو­يىنشا, اتاۋلى الەۋمەتتىك كومەك الىپ وتىرعان 571,1 مىڭ ادامنىڭ 63,6%-ى نەمەسە 363,1 مىڭى – 18 جاسقا دەيىنگى بالالار. بۇل رەتتە جۇرگىزىلگەن تالداۋ ناتيجەلەرىنە سايكەس, ااك الۋشى وتباسىلاردىڭ 99%-دا كەمىندە ءبىر بالاسى بولادى. كومەك الۋشى وتباسىلار اراسىندا كوپبالالى وتباسىلار – 40,4% (44 966 كوپبالالى وتباسى). بۇل وتكەن جىلدىڭ كورسەتكىشىنەن 2,5%-عا جوعارى (37,9%)», دەپ اتاپ ءوتتى ا.نيازوۆ.

الەۋمەتتىك كومەك دەپارتامەنتىنىڭ ديرەكتورى تابىسى از وتباسىلاردىڭ ءال-اۋقاتىن ارتتىرۋ تۇراقتى نەگىزدە بارلىق ەڭبەككە قابىلەتتى ااك الۋشىلاردى جۇمىسپەن قامتۋعا جاردەمدەسۋ بويىنشا جۇمىس جۇرگىزىلىپ جاتقانىن اتاپ ءوتتى. وسىلايشا, 2021 جىلدىڭ قورىتىندىسى بويىنشا جۇمىسپەن قامتۋ شارالارىمەن شارتتى اتاۋلى كومەك الاتىن 160,6 مىڭ وتباسىنىڭ  273,4 مىڭ ەڭبەككە قابىلەتتى تۇلعا­لا­رىنىڭ ىشىنەن 206,5 مىڭ ادام قام­تىل­­دى. وسى جىلى ەلىمىزدە 199,8 مىڭ­نان استام ادامعا جۇمىسپەن قامتۋ ءىس-شارا­لا­رى بويىنشا كومەك كورسەتۋ كوزدەلگەن. ونىڭ ىشىندە ەلەكتروندى ەڭبەك بيرجاسى ارقىلى بوس جۇمىس ورىندارىنا جۇمىسقا ورنالاستىرۋ, ءوز ءىسىن اشقىسى كەلەتىن ازاماتتار ءۇشىن 20,3 مىڭنان استام گرانت, جاستار پراكتيكاسىنا 22 مىڭ جولداما كوزدەلگەن, وقۋ ورىندارىن بىتىرگەن ازاماتتار ءۇشىن 3 مىڭ العاشقى جۇمىس ورنى كوزدەلگەن, 36 مىڭ ادام بىلىكتىلىكتى ارتتىرۋ كۋرستارىنان وتە الادى, 16,6 مىڭ ۋاقىتشا جۇمىس ورىندارىن اشۋ, قوعامدىق جۇمىستاردا 52,1 مىڭ ۋاقىتشا ورىن, 8,1 مىڭ ادام ءۇشىن جۇمىس كۇشى ارتىق وڭىرلەردەن جۇمىس كۇشى تاپشى وڭىرلەرگە كوشۋگە سۋبسيديالار بەرىلەدى.

«2020 جىلى قابىلدانعان ءىس-شارا­لار­دىڭ ناتيجەسىندە اتاۋلى الەۋ­مەت­تىك كومەك العان 184,7 مىڭ وتباسى­نىڭ ىشىنەن ءوز ءومىرىن قالىپقا كەلتىرۋ ءۇشىن بەرىلگەن مۇمكىندىكتى تابىستى پايدالانعان 47,4 مىڭ وتباسى كەدەيلىك جاع­دايىنان شىقتى. 2021 جىلى ااك العان 198,4 مىڭ وتباسىنىڭ 51,4 مىڭى كەدەيلىك جاعدايىنان شىقتى», دەدى دەپارتامەنت ديرەكتورى.

ول سونداي-اق 2021 جىلدىڭ قورى­تىن­دىسى بويىنشا 1 جاستان 6 جاسقا دەيىنگى تابىسى از وتباسىلاردان شىققان 259,4 مىڭ بالا تۇرمىستىق حيميا جانە ازىق-ت ۇلىك جيىنتىعى تۇرىندە الەۋ­مەتتىك توپتامامەن قامتاماسىز ەتىل­گە­نىن, وسى جىلدىڭ 4 ايىندا – 144,6 بالا قامتاماسىز ەتىلگەنىن ايتتى جانە سىبايلاس جەمقورلىق تاۋەكەلدەرىن تومەن­دەتۋ جانە ۇزدىك ناتيجەلەرگە قول جەت­كى­زۋ ماقساتىندا ااك كورسەتۋ تەتىگىن جەتىلدىرۋ بويىنشا تۇراقتى نەگىزدە جۇ­مىس جۇرگىزىلىپ جاتقانىن اتاپ ءوتتى.

«2021 جىلدىڭ قازان ايىنان باستاپ اقمولا وبلىسىنىڭ اقكول اۋدانى مەن نۇر-سۇلتان قالاسىندا «ازاماتتارعا ارنالعان ۇكىمەت» مەملەكەتتىك كورپورا­تسيا­سى» كەاق ارقىلى اتاۋلى الەۋ­مەتتىك كومەك تولەۋ بويىنشا قانات­قاق­تى جوبانى ىسكە اسىرۋ باستالدى. وسى جىلدىڭ اقپان ايىنان باس­تاپ قاناتقاقتى جوبانىڭ گەوگرافيا­سى ەلدىڭ 2 وڭىرىنەن 8 وڭىرىنە دەيىن كەڭەيتىلدى. كەلەسى كەزەڭدە, مامىردان جەل­توقسانعا دەيىن جوبانى ىسكە اسىرۋعا رەسپۋبليكانىڭ بارلىق ءوڭىرىن قوسۋ جوس­پارلانۋدا», دەدى الەۋمەتتىك كومەك دەپارتامەنتىنىڭ ديرەكتورى.