پرەزيدەنت • 27 مامىر، 2022

پرەزيدەنت مىرزاتاي جولداسبەكوۆتى قۇتتىقتادى

78 رەت كورسەتىلدى

پرەزيدەنت قاسىم-جومارت توقاەۆ مەملەكەت جانە قوعام قايراتكەرى مىرزاتاي جولداسبەكوۆتى 85 جاسقا تولۋىمەن قۇتتىقتاپ، جەدەلحات جولدادى، دەپ حابارلايدى Egemen.kz.

«حالقىمىز ءوزىڭىزدى مەملەكەت جانە قوعام قايراتكەرى، عالىم، قارىمدى قالامگەر رەتىندە جاقسى بىلەدى جانە قۇرمەتتەيدى. ۇستازدىقتان باستالعان ەڭبەك جولىڭىزدا مينيستر، پرەمەر-ءمينيستردىڭ ورىنباسارى، ەلشى، ۋنيۆەرسيتەت رەكتورى، پرەزيدەنتتىك ورتالىقتىڭ باسشىسى سياقتى جاۋاپتى لاۋازىمداردى ابىرويمەن اتقارىپ، ەلىمىزدىڭ مارتەبەسى مەن بەدەلىنىڭ ارتا تۇسۋىنە اتسالىستىڭىز. ادەبي قازىنامىزدىڭ قاينار بۇلاعى بولعان اقىن-جىراۋلاردىڭ شىعارماشىلىعىن جاڭا قىرىنان كورسەتىپ، قازاق ءۇشىن ايتىس ونەرىنىڭ ايرىقشا ءرول اتقاراتىنىن دالەلدەپ بەردىڭىز. ورحون-ەنيسەي جازبا ەسكەرتكىشتەرىن تەرەڭ زەردەلەدىڭىز. ءسىزدىڭ قالامىڭىزدان شىققان «ەجەلگى ادەبيەت نۇسقالارى»، «كۇلتەگىن»، «اسىل ءسوزدىڭ اتاسى»، «كىسىلىك كىتابى»، «تاڭعالامىن ءومىردىڭ عاجابىنا» جانە باسقا دا كىتاپتارىڭىز – ۇلتتىق قۇندىلىقتارىمىزدى دارىپتەۋ مەن جاڭعىرتۋدىڭ جارقىن ۇلگىسى. الداعى ۋاقىتتا دا قوعامدىق-ساياسي ىستەرگە بەلسەندى اتسالىسىپ، ەل-جۇرتتىڭ شىنايى قۇرمەتىنە بولەنىپ، مەرەيىڭىزدىڭ ۇستەم بولا بەرۋىنە تىلەكتەستىك بىلدىرەمىن»، دەپ جازىلعان قۇتتىقتاۋ جەدەلحاتىندا.

سوڭعى جاڭالىقتار

پرەزيدەنت الماتى اكىمىن قابىلدادى

پرەزيدەنت • بۇگىن، 14:07

وتكەن تاۋلىكتە 187 ادام ىندەت جۇقتىردى

كوروناۆيرۋس • بۇگىن، 10:40

دوللار ارزاندادى

قارجى • كەشە

ۇقساس جاڭالىقتار