ەندوسكوپيست-دارىگەر باۋىرجان تاناۋوۆتىڭ ايتۋىنشا, 29 جاستاعى ناۋقاس 18 مامىر كۇنى جەدەل تۇردە اۋرۋحاناعا كەلدى. ناۋقاستا ءىشتىڭ جوعارعى ءبولىمى اۋىرسىنعان. الدىمەن دارىگەرلەر جەدەل تۇردە لابوراتورلى-ينسترۋمەنتالدى زەرتتەۋ جۇرگىزدى. ءىش قۋىسىنىڭ رەنتگەنوگرافياسى ناتيجەسىندە اسقازاننان بىرنەشە بوگدە دەنە انىقتالدى.
«ناۋقاسقا شۇعىل تۇردە جانسىزداندىرۋ ارقىلى ەندوسكوپيالىق ادىسپەن وتا جاسادىق. ياعني, اۋىز ارقىلى ۆيدەوەزوفاگوگاسترودۋودەنوسكوپيا اپپاراتتىڭ كومەگىمەن دەنەدەگى ارتىق زاتتى سىرتقا شىعاردىق. ناۋقاس ىشىنەن ۇزىندىعى 15, 16, 18 سم تەمىر, باسى جوق قاسىق الىندى», دەدى ماڭعىستاۋ وبلىستىق اۋرۋحاناسىنىڭ ەندوسكوپيست-حيرۋرگى ب. جولامان ۇلى.
بوتەن دەنەلەردى ەندوسكوپيالىق جولمەن الىپ تاستاۋ وتاسى ءساتتى ءوتتى. ناۋقاستا ەشقانداي اۋىرسىنۋ بولعان جوق. وتا شامامەن جارتى ساعاتقا سوزىلعان. قازىرگى تاڭدا ناۋقاس امبۋلاتورلى ەمگە جىبەرىلدى.
ايتا كەتسەك, اتالعان وپەراتسياعا حيرۋرگ-ەندوسكوپيست ب. تاناۋوۆ, م. تايشىباي جانە انەستەزيولوگ ك. شاديەۆا قاتىستى. مۇنداي وپەراتسيالار ءمامس باعدارلاماسى اياسىندا تەگىن جۇرگىزىلەدى.
