قازىرگى ۋاقىتتا قاراجال قالاسىندا جابىق حوككەي كورتى مەن كوپفۋنكتسيونالدى ورتالىقتىڭ قۇرىلىسى ءجۇرىپ جاتىر. جابىق حوككەي كورتىنىڭ قۇنى – 758,2 ملن تەڭگە. 2025 جىلى جەرگىلىكتى بيۋدجەتتەن 533,996 ملن تەڭگە ءبولىنىپ, تولىق يگەرىلدى. نىساندا ىرگەتاس قۇيۋ, قابىرعالاردى تۇرعىزۋ, جابىن فەرمالارىن مونتاجداۋ, كورەرمەندەر تريبۋنالارىن ورناتۋ, بلوكتى-ءمودۋلدى قازاندىقتى قۇراستىرۋ جۇمىستارى اياقتالعان. قازىرگى تاڭدا قۇرىلىس جۇمىستارىنىڭ 70 پايىزى ورىندالعان. 2026 جىلى قۇرىلىستى تولىق اياقتاۋعا 200 ملن تەڭگە قاجەت بولسا, ونىڭ 32,249 ملن تەڭگەسى جەرگىلىكتى بيۋدجەتتەن قاراستىرىلعان.
قۇرىلىس جۇمىستارىن مەردىگەر ۇيىم – «استانا پرەميۋم قۇرىلىس» جشس اتقارۋدا. تەحنيكالىق قاداعالاۋشى – «قازارت-قۇرىلىس» جشس, ال اۆتورلىق قاداعالاۋدى «Cosmos Art» جشس ينۆەستيتسيالىق كونسالتينگتىك توبى جۇزەگە اسىرادى. عيماراتتى بيىل قىركۇيەك ايىندا پايدالانۋعا بەرۋ جوسپارلانىپ وتىر.
بىلتىر قاراجال قالاسىندا كوپفۋنكتسيونالدى ورتالىقتىڭ قۇرىلىسى باستالدى. جوبا بەلگىلەنگەن كەستەگە سايكەس جۇرگىزىلىپ كەلەدى. ەكى قاباتتى زاماناۋي عيماراتتا 200 ورىندىق ءماجىلىس زالى, ونەر مەكتەبى (مۋزىكا, بەينەلەۋ, حورەوگرافيا باعىتتارى), بالالار شىعارماشىلىعى جانە روبوتتەحنيكا ۇيىرمەلەرى قاراستىرىلعان. سونىمەن قاتار كىتاپحانا مەن ارداگەرلەر كەڭەسىنىڭ كەڭسەسى سياقتى الەۋمەتتىك ماڭىزى بار ۇيىمدار دا وسى عيماراتتا ورنالاسادى.
جوبانىڭ شارتتىق قۇنى – 1 560,8 ملن تەڭگە. قۇرىلىس جۇمىستارىن «استانا پرەميۋم قۇرىلىس» جشس جۇرگىزىپ جاتىر. اۆتورلىق قاداعالاۋشى – «سۋقۇرىلىسپروەكت» جشس. وتكەن جىلى جەرگىلىكتى بيۋدجەتتەن بولىنگەن 380 ملن تەڭگە تولىق يگەرىلدى. بيىل قۇرىلىستى اياقتاۋعا وبلىستىق بيۋدجەتتەن 803,835 ملن تەڭگە, جەرگىلىكتى بيۋدجەتتەن 419,105 ملن تەڭگە قاراستىرىلعان. قازىر قابىرعالار مەن ەدەن پليتالارىن قالاۋ جۇمىسى جۇرگىزىلىپ جاتىر. نىساندى جىل سوڭىنا دەيىن پايدالانۋعا بەرۋ جوسپارلانعان.
ۇلىتاۋ اۋدانىنىڭ ۇلىتاۋ اۋىلىندا مەردىگەر «سك New سity» جشس جابىق ءجۇزۋ باسسەينىنىڭ قۇرىلىسىن جۇرگىزىپ جاتىر. جوبانىڭ سمەتالىق قۇنى – 1 156,5 ملن تەڭگە. 2024 جىلى اۋداندىق بيۋدجەتتەن بولىنگەن 53,4 ملن تەڭگە تولىق يگەرىلگەن. وتكەن جىلى «اۋىل – ەل بەسىگى» باعدارلاماسى اياسىندا رەسپۋبليكالىق بيۋدجەتتەن 835,996 ملن تەڭگە بولىنگەن. بيىل جەرگىلىكتى بيۋدجەتتەن قۇرىلىستى اياقتاۋعا 300 ملن تەڭگە قاراستىرىلىپ وتىر.
قۇرىلىس جۇمىستارى جۇرگىزىلىپ جاتىر. ىرگەتاس قۇيىلىپ, عيماراتتىڭ مەتالل قاڭقاسى ورناتىلعان, سەندۆيچ پانەلدەرمەن سىرتقى قابىرعالارى قاپتالعان, تەرەزە مەن ەسىك بلوكتارى ورناتىلعان. سىرتقى ينجەنەرلىك جەلىلەر – ەلەكتر, سۋ قۇبىرى جۇيەلەرى تارتىلعان. ال ىشكى ارلەۋ, قابىرعالاردى قالاۋ, شاتىر جابۋ, ۆيتراج ورناتۋ جانە بلوكتى-ءمودۋلدى قازاندىقتى مونتاجداۋ جۇمىستارى اياقتالۋ ساتىسىندا. نىسان بيىل ءۇشىنشى توقساندا پايدالانۋعا بەرىلەدى دەپ جوسپارلانىپ وتىر.
ۇلىتاۋ اۋدانى ورتالىعىنداعى تايجان كوشەسى, 33ا مەكەنجايىندا سالىنىپ جاتقان بەس بلوكتى تيپتىك ۇلگىدەگى اۋرۋحانانىڭ قۇرىلىسى تولىق اياقتالماعان. 100 كەلۋشىنى قابىلدايتىن ەمحانا مەن 20 توسەكتىك ورىن ستاتسيونارى بار بۇل نىساننىڭ اشىلۋىن جەرگىلىكتى تۇرعىندار اسىعا كۇتىپ ءجۇر.
مەردىگەر ۇيىم – «نۇر استانا قۇرىلىس» جشس, تەحنيكالىق قاداعالاۋشى – «نۇراي-سەرۆيس» جشس. جوبانىڭ شارتتىق قۇنى – 3 552,9 ملن تەڭگە. سونىڭ 1 483,9 ملن تەڭگەسى يگەرىلگەن. مەديتسينالىق كەشەنگە 2023–2024 جىلدارى ۇلتتىق قور مەن رەسپۋبليكالىق بيۋدجەتتەن 1 239 ملن تەڭگە ءبولىنىپ, يگەرىلدى. 2025 جىلعا ۇلتتىق قور ەسەبىنەن 251,6 ملن تەڭگە قاراستىرىلعان.
№3 بلوكتا كوتلوۆان قازۋ كەزىندە جەراستى سۋىنىڭ شىعۋىنا بايلانىستى جوباعا تۇزەتۋ ەنگىزىلدى. ساراپتاما قورىتىندىسى وتكەن جىلدىڭ جەلتوقسان ايىنىڭ سوڭىندا الىنعان. وبلىستىق كوميسسيانىڭ اقپان ايىنداعى وتىرىسىندا بيۋدجەتتى ناقتىلاۋ بارىسىندا جوبالىق-سمەتالىق قۇجاتتاماعا تۇزەتۋلەر ەنگىزىلىپ, قوسىمشا 476,1 ملن تەڭگە بولىنگەن. قۇرىلىستى اياقتاۋعا قاجەتتى جالپى قارجى 1 539,3 ملن تەڭگەنى قۇرايدى. جاۋاپتى ماماندار قۇرىلىس جۇمىستارىن جىلدىڭ سوڭىنا دەيىن تولىق اياقتاۋعا ۋادە بەرىپ وتىر.
سونىمەن قاتار 2025–2026 جىلدارعا جوسپارلانعان عيماراتتاردىڭ قۇرىلىسى جالعاسىپ كەلەدى. جەزقازعان قالاسىندا كۋرسانتتارعا ارنالعان پاۆيلونى بار اۆتوماتتاندىرىلعان اۆتودروم قۇرىلىسى اياقتالۋ ساتىسىندا. جوبا بويىنشا مەردىگەر ۇيىم انىقتالىپ, قاجەتتى ارنايى تەحنيكا مەن جابدىقتار جۇمىلدىرىلعان.
جاقىندا وبلىس ورتالىعىندا «شابىت» بالالار-جاسوسپىرىمدەر شىعارماشىلىق ورتالىعى اشىلدى. جاڭا نىسان قۇرىلىسىنىڭ بارلىق شىعىنىن بولات وتەمۇراتوۆ قورى ءوز موينىنا الدى. جوباعا جالپى 4 ملرد تەڭگە ينۆەستيتسيا سالىنعان. كەشەن اۋماعى 1,6 گەكتاردى قۇرايدى. مۇندا ارت-ستۋديا, قىش شەبەرحاناسى (كۇيدىرۋ بولمەسىمەن), ەرتە دامىتۋ ورتالىعى, جەكپە-جەك جانە حورەوگرافيا زالدارى, فيزيكا, ماتەماتيكا, جاراتىلىستانۋ, روبوتتەحنيكا كابينەتتەرى ورنالاسقان STEM-ايماق, تسيفرلىق ونەر جانە گرافيكالىق ديزاين ستۋدياسى, فوتوستۋديا, مۋزىكا سىنىپتارى, شاحمات كابينەتى مەن كەڭ اكت زالى قاراستىرىلعان. عيمارات ءبىر مەزەتتە 250 بالاعا دەيىن قابىلداۋعا لايىقتالعان. نىسان سالالىق باسقارمانىڭ بالانسىنا بەرىلدى.
ساتباەۆ قالاسىنداعى يندۋستريالىق پاركتىڭ ينجەنەرلىك-كوممۋنيكاتسيالىق ينفراقۇرىلىمىنىڭ قۇرىلىسى بيىل اياقتالماق. جوبانىڭ شارتتىق قۇنى – 822,4 ملن تەڭگە. سۋ جەلىلەرىنىڭ قۇرىلىس جۇمىستارى تولىق اياقتالعان.
«بيىل ۇلىتاۋ وبلىسىندا تاعى ءۇش جاڭا جوبا باستالدى. اتاپ ايتقاندا, جاڭاارقا اۋدانىندا 100 ورىندىق ينكليۋزيانى قولداۋ ورتالىعىنىڭ قۇرىلىسى قولعا الىندى. جوبانىڭ شارتتىق قۇنى – 187,2 ملن تەڭگە, قۇرىلىس مەرزىمى – 4 اي. ساتباەۆ قالاسىنداعى №7 بم كمم سپورت زالىنىڭ قۇرىلىسى دا باستالدى. ونىڭ قۇنى – 447,0 ملن تەڭگە, قۇرىلىس مەرزىمى – 6 اي. سونىمەن قاتار اقسەلەۋ سەيدىمبەك اتىنداعى ورتا مەكتەپ عيماراتىنا سپورت زالىن قوسۋ جوباسى جۇزەگە اسىرىلۋدا. قۇنى – 381,4 ملن تەڭگە, قۇرىلىس مەرزىمى – 8 اي. قازىر بۇل كەشەندەردە جۇمىلدىرۋ جۇمىستارى جۇرگىزىلىپ جاتىر», دەيدى ۇلىتاۋ وبلىسىنىڭ قۇرىلىس, ساۋلەت جانە قالا قۇرىلىسى باسقارماسىنىڭ باسشىسى رينات ورازالى ۇلى.
جىل سوڭىنا دەيىن پايدالانۋعا بەرىلەتىن الەۋمەتتىك نىساندار ەل يگىلىگىنە قىزمەت ەتەدى.
ۇلىتاۋ وبلىسى
