رەفەرەندۋم-2022 • 22 مامىر، 2022

جاستار قالاۋى – جارقىن كەلەشەك

443 رەت كورسەتىلدى

ەل كونستيتۋتسياسىنا ەنگىزىلەتىن وزگەرىستەر جاستاردى دا قىزىقتىرىپ وتىر. ويتكەنى ەلدىڭ ەرتەڭىنە ەلەڭدەپ، ادال قىزمەت ەتۋدى ماقسات ەتكەن وتانشىل جاستاردىڭ قالاۋى – جارقىن كەلەشەك.

اتىراۋدا ەلدى وركەندەتۋگە ەنجار قارامايتىن جاستاردىڭ ءبىر توبى اباي ورتالىعىندا باس قوسىپ، رەفەرەندۋمعا ۇسىنىلعان وزگەرىستەردىڭ ماڭىزىن تالقىعا سالدى. ماسەلەن، رەسپۋبليكالىق رەفەرەندۋمدى قوعامدىق قولداۋ جونىندەگى وڭىرلىك شتاب مۇشەسى داۋرەن سەيىتقاليەۆتىڭ پىكىرىن­شە، كونستيتۋتسياعا ەنگىزىل­گەن بۇ­رىنعى وزگەرىستەردى پارلا­مەنت­تىڭ قوس پالاتاسىنىڭ دەپۋتاتتارى عانا تالقىلادى. بۇرىن مۇن­داي وز­گەرىستەردى ەنگىزۋدى ماقۇل­داۋ بۇ­قارانىڭ ارالاسۋىن­سىز شەشىمىن تاپتى. ال بۇل جولى وزگەشە قادام جاسالىپ وتىر. بۇل – حالىقتىڭ تالقىسىنا ۇسىنىلىپ، رەفەرەندۋم ارقىلى تاڭداۋ جاساۋ.

– قازىر اۋىلداردىڭ اكىمىن جەرگىلىكتى تۇرعىندار سايلايدى. الايدا حالىق سەنىم ارتقان əكىمدەردىڭ قولىندا اۋىلدىڭ الەۋمەتتىك-ەكونوميكالىق جاع­دايىن جاقسارتاتىنداي تەتىك جوق. اۋىل اكىمدەرى تەك سالىق جيناۋ، سەنبىلىك ۇيىمداستىرۋ سەكىلدى شارۋالارمەن اينالىسىپ ءجۇر. ىقپالى جوق اكىم اۋداندىق، قالالىق، وبلىستىق əكىم­دىككە جالتاقتاپ قارايدى. قار­جىلىق مəسەلەلەردى شەشۋ ءۇشىن وزدىگىنەن شەشىم قابىلداۋى قيىن. ەندى رەفەرەندۋمنان كە­يىن تەك اۋىلدىق وكرۋگتىڭ ەمەس، اۋدان، قالا، وبلىس əكىمىن حالىق ساي­لايتىن بولسا، تۇرعىنداردىڭ الەۋمەتتىك-ەكونوميكالىق احۋا­لىن جاقسارتۋ باعىتىندا وڭ وزگەرىس بولاتىنىنا ءۇمىت بار. سول اكىم سايلاۋىنا ۇمىتكەر رەتىندە ىسكەر، تانىمال، حالىقپەن ەتەنە ارالاسىپ جۇرگەن ازاماتتار تۇسۋگە مۇمكىندىك الادى، – دەيدى داۋرەن سەيىتقاليەۆ.

ونىڭ ايتۋىنشا، مۇنى دەمو­كرا­تيالىق تۇرعىدان وتە ءتيىمدى قادام دەۋگە بولادى. بىلتىر ءدال وسىنداي باتىل ءتاسىل اۋىلدىق وكرۋگ اكىمدەرىنىڭ سايلاۋى كەزىندە تə­جىريبە رەتىندە باستاۋ الدى. بۇ­گىن­گى قازاق قوعامى وسى ءۇردىستىڭ تا­جى­ريبە كۇيىندە قالماعانىن، ال­دا­عى ۋاقىتتا اۋدان، قالا اكىمدەرى دە تىكەلەي سايلانعانىن قالاپ وتىر.

وتانشىلدىق، پاتريوتتىق سەزىمى بار جاستار ەلدىڭ قوعامدىق-ساياسي، الەۋمەتتىك-ەكونوميكالىق وركەندەۋىنە وڭ ىقپالىن تيگىزەر وزگەرىستەردى قولدايدى. سونىڭ دالەلىندەي، وڭىردەگى جاس بەلسەن­دىلەر الەۋمەتتىك جەلىلەردە رە­فە­رەندۋمعا قولداۋ ءبىلدىرۋ ماق­ساتىندا چەللەندج اكتسياسىن باس­تادى. وندا بەلسەندىلەر بۇقا­را­نى رەفەرەندۋمعا قاتىسۋعا شاقىرعان جازبالارى مەن ۆيدەولارىن ءبولىسىپ جاتىر.

– ءبىز – اتىراۋ جوعارى مەدي­تسي­نالىق كوللەدجىنىڭ ستۋدەنت­تەرى جاڭا، ادىلەتتى قازاقستان­دى قۇرۋعا ۇلەسىمىزدى قوسقى­مىز كەلەدى. ارينە، ءبىز ءالى ستۋدەنت­پىز، جۇمىسقا ورنالاسا قويعان جوقپىز. بىراق ەلىمىزدىڭ كەلەشەگى جارقىن بولۋى ءۇشىن قوعام­داعى وزگەرىستەردى جاتسىنباۋى­مىز كەرەك. سول سەبەپتەن، بۇگىنگى قوعام­نىڭ ءبىر مۇشەسى رەتىندە زامان­داستارىمىز الداعى رەفە­رەن­دۋمعا قاتىسۋى قاجەت دەپ ەسەپ­تەيمىز. ويتكەنى ءبىز قازاق­ستان­نىڭ وركەندەۋ جولى، باسقارۋ تەتىگى جاڭارعانىن، سول ماقسات­­قا جەتكىزەر وزگەرىستەر كونستي­تۋ­تسياعا ەنگىزىلگەنىن قالايمىز، – دەي­دى مەديتسينالىق كوللەدجدىڭ ستۋ­دەنتى راۋشان ايتپاەۆا.

ال اتىراۋ قالالىق ءماسلي­حاتىنىڭ دەپۋتاتى ازامات اسىل­بەكوۆتىڭ پىكىرىنە سۇيەنسەك، رەفەرەندۋم وتكىزۋ بەيجاي قارايتىن ماسەلە ەمەس. مۇنىڭ بىرنەشە سەبەبى بار.

– بىرىنشىدەن، پرەزيدەنتتىڭ مۇنداي باستاماسىن جاھان­دىق سىن-قاتەرلەرگە تولى قازىرگى كە­زەڭدە ەلدىڭ ساياسي جۇيەسىن جەدەل جاڭ­عىرتۋعا جاسالعان باتىل قادام دەۋگە بولادى. دەمەك رەفەرەندۋم – ءاربىر ازامات­قا ەل تاعدىرىن شەشۋگە تىكەلەي قاتىسۋعا مۇمكىندىك بەرەتىن ماڭىزدى دەموكراتيا­لىق تەتىك. ەكىنشىدەن، اتا زاڭ­نىڭ بىر­نەشە بابىنا ەنگىزىلەتىن تۇزەتۋ­لەردى زەردەلەيتىن بولساق، دەمو­كراتيالىق دامۋعا، جاڭا قازاقستاندى قۇرۋعا باعىتتالعان تىڭ مەملەكەتتىك مودەلدى باي­قاي­­مىز. سۋپەرپرەزيدەنتتىك باس­قارۋ­­دان باس تارتۋ ارقىلى ساياسي جۇ­يەنىڭ ورنىقتىلىعى ءۇشىن تەپە-تەڭ­دىك جۇيەسىن قۇرۋ كوزدەلىپ وتىر. ۇشىنشىدەن، پرەزيدەنتتىڭ، ور­تا­لىق سايلاۋ كوميسسياسى تور­اعا­سى مەن قۇقىق قورعاۋ ورگاندارى باسشىلارىنىڭ پارتياعا مۇ­شە بولۋىنا تىيىم سالۋ دا ماڭىز­دى وزگەرىستىڭ ءبىرى ەكەنى داۋ­سىز. مۇن­داي وزگەرىس پارتيالار اراسىن­داعى باسەكەلەستىك كۇرەستىڭ نەگىزىن قالايدى، – دەيدى ازامات اسىلبەكوۆ.

 

اتىراۋ وبلىسى

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ەگىزدەر فەستيۆالى

قوعام • بۇگىن، 08:00

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار