ءبىلىم • 22 مامىر، 2022

وقۋشىلار انتيسەپتيك شاشاتىن روبوت ويلاپ تاپتى

41 رەت كورسەتىلدى

وسكەمەن قالاسىندا بيىلعى بالالار جىلىنا وراي وقۋشىلار مەن ستۋدەنتتەر اراسىندا IT-فەستيۆال ءوتتى، دەپ حابارلايدى Egemen.kz.

«New generation» دەپ اتالاتىن فەستيۆالدە وبلىستىڭ تۇكپىر-تۇكپىرىنەن مەكتەپ وقۋشىلارى مەن كوللەدج، ۋنيۆەرسيتەت ستۋدەنتتەرى قاتىستى. ءبىلىم سالاسىنداعى اۋقىمدى ءىت-كورمەدە بالالار مەن جاستار ءوز جوبالارىن كورسەتىپ، وي-پىكىر، تاجىريبە الماستى.

«بۇگىن فەستيۆالدە ءوز جوبامىزدى – انتيسەپتيك شاشاتىن روبوتتى ۇسىنىپ وتىرمىز. ول داتچيك ارقىلى جۇمىس ىستەيدى، قازاق تىلىندە ەركىن سويلەيدى جانە كوروناۆيرۋس ينفەكتسياسىنىڭ الدىن الۋ تۋرالى نۇسقاۋلار بەرەدى. قازىر بۇل روبوتتى مەكتەبىمىزگە ورناتىپ قويدىق»، دەيدى و.بوكەي اتىنداعى №44 ليتسەي-مەكتەبىنىڭ وقۋشىلارى ءدىلناز ءنابيولدا جانە دياس ەرمۇحانبەتوۆ.

قاتىسۋشىلار 6 باعىت بويىنشا ءوز جۇمىستارىن ۇسىندى، اتاپ ايتقاندا «Kids Skills»، «Maker Fest»، «Junior Skills»، «Startup-جوبالار»، «Robotime»، «ClusterPro». ولاردىڭ ىشىندە قاۋىپسىزدىكتى ۇيىمداستىرۋعا، ويىن ويناۋعا، وقىتۋعا قاتىستى جوبا جاساعاندار بولدى.

فەستيۆال بارىسىندا عىلىمي ويىن-ساۋىق الاڭى ۇسىنىلدى. مۇندا كەلۋشىلەر زاماناۋي تەحنولوگيالار سالاسىنداعى سوڭعى جەتىستىكتەرمەن تانىسۋعا مۇمكىندىك الدى.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار