قوعام • 21 مامىر، 2022

ۇلتتىق بانك وكىلىمىن دەپ، ەلوردالىقتىڭ 3،5 ملن تەڭگەسىن قولدى ەتكەن - پوليتسيا

59 رەت كورسەتىلدى

نۇر-سۇلتان قالالىق پوليتسيا دەپارتامەنتىنىڭ وكىلدەرى ەلوردا تۇرعىندارىنا الاياقتاردان ساق بولۋ جونىندە ەسكەرتۋ جاسادى، دەپ حابارلايدى Egemen.kz.

دەپارتامەنتتىڭ ءباسپاسوز قىزمەتىنىڭ حابارلاۋىنشا، ەلوردا تۇرعىنى تاراپىنان «سارىارقا» اۋدانىنىڭ پوليتسيا بولىمىنە ساعات 11.50-دە بەلگىسىز بىرەۋدىڭ ءوزىن ەكونوميكالىق قىلمىس بويىنشا «ۇلتتىق بانك» قىزمەتكەرىمىن دەپ تانىستىرىپ، 3 ملن 455 مىڭ تەڭگەسىن قولدى ەتكەنىن ايتىپ شاعىمدانعان.

كۇدىكتى جابىرلەنۋشىگە ونىڭ جيناقتارىن قاۋىپسىز ساقتاۋ ماقساتىندا بەيبىتشىلىك كوشەسىندەگى «تسەنتر كرەديت» بانكىنە اقشا اۋدارۋ كەرەكتىگىن تۇسىندىرگەن.

اتالعان فاكتى بويىنشا سوتقا دەيىنگى تەرگەۋ باستالدى. قازىرگى ۋاقىتتا جەدەل-ىزدەستىرۋ شارالارى ءجۇرىپ جاتىر.

بيىل وسىنداي ارەكەتتەن ەلوردانىڭ 180-نەن استام تۇرعىنى وپىق جەگەن. جالپى ماتەريالدىق شىعىن 150 ملن تەڭگەدەن اسادى. بارلىق فاكتىلەر بويىنشا قر قك 190-بابى (الاياقتىق) بويىنشا تەرگەۋ جۇرگىزىلۋدە. كورشىلەس ەلدەردىڭ قۇقىق قورعاۋ ورگاندارىمەن ءوزارا ءىس-قيمىل جۇرگىزىلۋدە، سەبەبى قىلمىس ىزدەرى شەتەلدەن باستاۋ الادى دەگەن بولجام بار.

«نۇر-سۇلتان قالاسىنىڭ پوليتسيا دەپارتامەنتى ەسكەرتەدى! ەگەر سىزگە وسىنداي قوڭىراۋ تۇسسە، ەشقانداي جاعدايدا دەرەكتەرىڭىزدى بەرمەڭىز، بۇل الاياقتار! اڭگىمەنى ءۇزىپ، بانكتىڭ كولل-ورتالىعىنىڭ رەسمي تەلەفوندارى بويىنشا بارلىق اقپاراتتى ناقتىلاڭىز.

بانك قىزمەتكەرلەرى ەشقاشان قوڭىراۋ شالمايدى جانە دەربەس دەرەكتەردى جينامايدى! ەسەپتىك جازبانىڭ قۇپيا سوزدەرىن جانە بانك كارتالارىنىڭ پين-كودتارىن مەزگىلىمەن وزگەرتىپ وتىرىڭىز»، دەلىنگەن پوليتسيانىڭ حابارلاماسىندا.

ايانا توعانبەك

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار