ايماقتار • 20 مامىر، 2022

ماڭعىستاۋدا 10 مەكتەپتىڭ ديرەكتورى ايىپپۇل تولەدى

36 رەت كورسەتىلدى

ماڭعىستاۋدا 10 ءبىلىم مەكەمەسىنىڭ باسشىلارىنا ايىپپۇل سالىندى، دەپ حابارلايدى Egemen.kz.

ماڭعىستاۋ وبلىسىندا 10 ءبىلىم ۇيىمىنىڭ باسشىسى كاسىپكەرلىك قىزمەتپەن اينالىسىپ، زاڭ بۇزۋشىلىقتارعا جول بەردى. اكىمشىلىك قۇقىق بۇزۋشىلىق كودەكسىنىڭ 154-بابى بويىنشا ءىس قوزعالىپ، كىنالىلەر ايىپپۇل تولەدى.

وڭىردە وسى ۇقساس قۇقىق بۇزۋشىلىقتاردىڭ الدىن الۋ ماقساتىندا سىبايلاس جەمقورلىققا قارسى قىزمەتتىڭ ماڭعىستاۋ وبلىسى بويىنشا دەپارتامەنتى ءبىلىم مەكەمەلەرىنىڭ باسشىلارىنا سىبايلاس جەمقورلىققا قارسى شەكتەۋلەردى ءتۇسىندىردى.

«سىبايلاس جەمقورلىققا قارسى ءىس-قيمىل تۋرالى» زاڭدا مەملەكەتتىك لاۋازىمدى اتقاراتىن جانە مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدارعا كاسىپكەرلىك قىزمەتپەن اينالىسۋعا تىيىم سالىنعان. بۇگىنگى كۇنى مەكتەپ ديرەكتورلارىنىڭ اراسىندا كاسىپكەرلىكپەن اينالىسقان تۇلعالار انىقتالىپ وتىر. سوندىقتان بۇگىنگى كەزدەسۋدىڭ ماقساتى - سىبايلاس جەمقورلىققا قارسى شەكتەۋلەردى قايتا ءتۇسىندىرۋ»، دەدى ماڭعىستاۋ وبلىسى بويىنشا سىبايلاس جەمقورلىققا قارسى قىزمەت دەپارتامەنتى پرەۆەنتسيا باسقارماسىنىڭ باسشىسى قايرات بايگەباەۆ.

سپيكەر مەملەكەتتىك ورگانداردىڭ باسشىلارى وزدەرىنە باعىنىستى مەكەمە باسشىلارىن تاعايىنداۋ كەزىندە ولاردان اكتيۆتەرى مەن مىندەتتەرى تۋرالى دەكلاراتسيا قابىلداۋى شارت ەكەنىن ايتتى.

سوڭعى جاڭالىقتار

ورال قوقىس استىندا قالۋى مۇمكىن

ايماقتار • بۇگىن، 16:47

دوللار قايتا قىمباتتادى

قارجى • بۇگىن، 15:58

ۇقساس جاڭالىقتار