«قازاقستان اۋماعىندا بارلىعى 13 ارنايى ەكونوميكالىق ايماق تىركەلگەن. ولاردىڭ ماقساتى - وڭىرلەر مەن ەكونوميكانىڭ جەكەلەگەن سالالارىن جەدەل دامىتۋ. اەا قاتىسۋشىلارى اراسىندا 711 سالىق تولەۋشى قامتىلعان. ولار ءاربىر اەا ءۇشىن بەلگىلەنگەن قىزمەتتىڭ باسىم تۇرلەرىن جۇزەگە اسىرۋ كەزىندە زاڭنامادا كوزدەلگەن سالىق پەن كەدەندىك پرەفەرەنتسيالار تۇرىندە باسىم قۇقىق الادى», دەدى م.سۇلتانعازيەۆ دوڭگەلەك ۇستەل وتىرىسىندا.
ونىڭ ايتۋىنشا 2019-2020 جىلدارى كورپوراتيۆتىك تابىس سالىعى جانە قوسىلعان قۇن سالىعى بويىنشا سالىق جەڭىلدىكتەرى 128 ملرد تەڭگەنى, كەدەندىك باجدار مەن يمپورتتاعى ققس بويىنشا 2019-2021 جىلدارى 244 ملرد تەڭگە سوماسىندا جەڭىلدىكتەر جاسالدى.
«2020-2021 جىلدارى سالىق تولەمدەرى تۇرعىسىندا بيۋدجەتكە تۇسىمدەر 170,2 ملرد تەڭگەنى قۇرادى. سالىق جانە كەدەن زاڭناماسىنا سايكەس, ءتيىستى اكىمشىلەندىرۋ سالىق تولەۋشىلەردىڭ بارلىق ساناتتارى بويىنشا, ونىڭ ىشىندە اەا قاتىسۋشىلارىنا قاتىستى جۇرگىزىلەدى», دەدى ۆيتسە-مينيستر.
