وبلىستىق پوليتسيا دەپارتامەنتىنىڭ مالىمەتىنشە, ءتارتىپ ساقشىلارى ۇرلانعان شەتەلدىك كولىكپەن قاشىپ كەتپەك بولعان كولىك ۇرىسىنىڭ ۇستالعان ءساتىن ۆيدەوعا ءتۇسىرىپ العان. پاترۋل قىزمەتكەرلەرى كۇدىكتىنى كولىكتەن شىعىپ قاشىپ كەتكەنشە قۋىپ, كوپقاباتتى ۇيلەردىڭ اۋلاسىندا قولعا تۇسىرگەن.
«ۇستالعان وقۋشىنىڭ Mitsubishi Galant, BMW جانە Mazda-626 ۇرلىعىنا قاتىسى بار ەكەنى انىقتالدى. اتالعان دەرەك 16 مامىردا تىركەلدى. كولىكتەردىڭ ءبىرى الماتى قالاسىنىڭ شەتىنەن, ەكىنشىسى كوكسۋ اۋدانىنداعى العاباس اۋىلىنىڭ ماڭىنداعى ارىقتان تابىلدى», دەلىنگەن پد حابارلاماسىندا.
قازىر قر قىلمىستىق كودەكسىنىڭ 200-بابى (كولىك ايداپ اكەتۋ) بويىنشا قىلمىستىق ءىس قوزعالدى. ۇستالعان ءجاسوسپىرىم ۋاقىتشا ۇستاۋ يزولياتورىنا قامالدى.
ايتا كەتەرلىگى, ءجاسوسپىرىم تولىق ەمەس وتباسىنان شىققان. بەلگىلى بولعانداي, كامەلەتكە تولماعان بالانىڭ اناسى جالعىز ءوزى 4 بالانى تاربيەلەپ وتىر. جاستىعىنا قاراماستان, كۇدىكتى ءتۇرلى قۇقىقبۇزۋشىلىق جاساعانى ءۇشىن بىرنەشە رەت پوليتسيا بولىمىنە جەتكىزىلگەن.
