ونىڭ ايتۋىنشا, ەلىمىزدە مەكتەپكە دەيىنگى ءبىلىم بەرۋ سالاسىنداعى وڭ وزگەرىستەرگە قاراماستان, جۇيەلى شەشىمدى قاجەت ەتەتىن بىرقاتار كۇردەلى ماسەلەلەر ورىن الىپ وتىر.
دەپۋتات مەكتەپكە دەيىنگى ءبىلىم بەرۋ سالاسىنداعى بار پروبلەمالاردى بىرنەشە نەگىزگى بلوكتارعا بولۋگە بولادى دەپ ەسەپتەيدى. ونىڭ ىشىندە: قارجىلاندىرۋ ماسەلەلەرى, جالپى جانە عىلىمي تاسىلدەر, كادرلىق قامتاماسىز ەتۋ جانە وسى سالاداعى ساپالى قولداۋ دا بار.
وسى فاكتورلاردىڭ اياسىندا مەكتەپكە دەيىنگى سالا قىزمەتكەرلەرى پەداگوگيكالىق جانە پسيحوەموتسيونالدىق تۇرعىدا اۋىر جاعدايعا تاپ بولادى. بالالارعا قول كوتەرۋگە دەيىن قاتىگەزدىك تانىتۋ, سونداي-اق مەكتەپكە دەيىنگى ۇيىمدارداعى پەداگوگتار تاراپىنان تارتىپتىك بۇزۋشىلىقتار ءجيى ورىن الىپ وتىر.
«بارلىق مەكتەپكە دەيىنگى ۇيىمداردا 3 جاسقا دەيىنگى بالالارعا ارنالعان بالاباقشا توپتارىن اشۋ ۋاقىت كۇتتىرمەيدى. جەرگىلىكتى اتقارۋشى ورگاندار قازىرگى جاعداي مەن بولجاۋ دەرەكتەرىن تالداۋ نەگىزىندە ءوڭىردىڭ ستراتەگيالىق جوسپارىمەن بايلانىستىرا وتىرىپ, مەكتەپكە دەيىنگى سالانى دامىتۋدىڭ قىسقا مەرزىمگە ارنالعان كەشەندى جوسپارىن ازىرلەۋى قاجەت. وڭىردە جان باسىنا شاققانداعى قارجىلاندىرۋ كوەففيتسيەنتىن ۇلعايتۋ جونىندە شارالار قابىلدانۋى ءتيىس. سارالانعان جانە مولشەرلەمەلىك اقى تولەۋ جۇيەسىنىڭ تەتىكتەرىن پايدالانا وتىرىپ, مەكتەپكە دەيىنگى ۇيىمداردىڭ پەداگوگتەرىنە ەڭبەكاقى تولەۋ جۇيەسىن قايتا قاراۋ قاجەت», دەدى سەناتور.
