كۇدىكتى ازامات قالالىق پوليتسيا ءبولىمىنىڭ قىزمەتكەرى بولىپ شىققان. وعان قاتىستى قىلمىستىق كودەكستىڭ «ەسىرتكى زاتتارىن دايىنداۋ, ساقتاۋ جانە ساتۋ» جانە «قىزمەتتىك جالعاندىق جاساۋ» باپتارى بويىنشا ءىس قوزعالعان. ونىڭ بار مۇلكى تاركىلەنىپ, 12 جىلعا دەيىن باس بوستاندىعىنان ايىرىلۋى مۇمكىن.
«پوليتسيا ستارشيناسى قاماۋعا الىندى. ونىڭ ۇستىنەن سوتقا دەيىنگى تەرگەۋ باستالىپ, تەرگەۋ امالدارى جۇرگىزىلىپ جاتىر. تارتىپتىك كوميسسيانىڭ شەشىمىمەن پوليتسيا قىزمەتكەرى ىشكى ىستەر ورگانىنان بوساتىلدى, پوليتسيا ءبولىمىنىڭ باستىعى اتقاراتىن قىزمەتىنەن بوساتىلدى. قر قپك 201-بابىنا سايكەس قىلمىستىق ءىستى تەرگەۋ شەڭبەرىندەگى وزگە اقپارات جاريالاۋعا جاتپايدى», دەيدى وبلىستىق پوليتسيا دەپارتامەنتى ءباسپاسوز قىزمەتىنىڭ جەتەكشىسى ەربولات سارقۇلوۆ.
