«سىزدەردىڭ قاراۋىڭىزعا ەردەن راۋان ۇلى ءارىپوۆتى جوعارعى سوت سۋدياسىنىڭ قىزمەتىنەن بوساتۋ تۋرالى مەملەكەت باسشىسىنىڭ ۇسىنىمى ەنگىزىلىپ وتىر. پرەزيدەنت جارلىعىمەن ەردەن راۋان ۇلى قاراعاندى وبلىستىق سوتىنىڭ توراعاسى بولىپ تاعايىندالدى», دەدى قر جوعارى سوت كەڭەسىنىڭ توراعاسى دەنيس شيپپ.
پالاتا دەپۋتاتتارى وسى ۇسىنىسقا قولداۋ ءبىلدىرىپ, سۋديانى قىزمەتىنەن بوساتۋ تۋرالى شەشىم قابىلدادى.
بۇدان بۇرىن حابارلانعانداي, پرەزيدەنتتىڭ 2022 جىلعى 26 ناۋرىزداعى جارلىعىمەن قاراعاندى وبلىستىق سوتىنىڭ توراعاسى بولىپ تاعايىندالعان ەردەن ءارىپوۆتى ۇجىمعا جوعارعى سوتتىڭ توراعاسى جاقىپ اسانوۆ بەينەكونفەرەنتسيا كەزىندە تانىستىردى.
ە. ءارىپوۆ 1963 جىلى الماتى وبلىسىنىڭ نارىنقول اۋدانىندا دۇنيەگە كەلگەن. 1986 جىلى قازاق مەملەكەتتىك ۋنيۆەرسيتەتىن بىتىرگەن, ماماندىعى بويىنشا زاڭگەر.
ايانا توعانبەك
