كوروناۆيرۋس • 18 مامىر، 2022

ەلىمىزدەگى Pfizer ۆاكتسيناسىنىڭ جارامدىلىق مەرزىمى ماۋسىمدا اياقتالادى

22 رەت كورسەتىلدى

جارامدىلىق مەرزىمى ماۋسىم ايىنىڭ سوڭىندا اياقتالاتىن جارتى ميلليون Pfizer ۆاكتسيناسى بار. بۇل تۋرالى قر دەنساۋلىق ساقتاۋ ءمينيسترى اجار عينيات ايتتى، دەپ حابارلايدى Egemen.kz.

«بۇگىندە ەلىمىزدە Pfizer ۆاكتسيناسىنىڭ قورى 1 ملن دوزانى قۇرايدى. مەرزىمىنە قاتىستى ايتار بولسام، جارتى ميلليون ۆاكتسينانىڭ جارامدىلىق مەرزىمى ماۋسىم ايىنىڭ سوڭىندا اياقتالادى»، دەدى اجار عينيات ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا باق وكىلدەرىنىڭ ساۋالىنا وراي.

سونىمەن قاتار ەل تۇرعىنداردى رەۆاكتسيناتسيالاۋ قالاي جۇرگىزىلىپ جاتقانىن ايتتى.

«بۇگىندە تۇرعىندار شىن قالاۋىمەن ۆاكتسيناتسياعا جانە رەۆاكتسيناتسياعا بارىپ جاتىر. تاۋلىگىنە شامامەن 15 مىڭ ادام ەكپە الادى. سوندىقتان Pfizer ۆاكتسيناسىمەن ەكپە جاساۋ جوسپارعا ساي جۇرگىزىلىپ جاتىر»، دەدى ول.

اجار عينيات ەلىمىزدە جارامدىلىق مەرزىمى بىتۋگە جاقىن ۆاكتسينانىڭ نەلىكتەن كوپ قالعانىن دا ءتۇسىندىرىپ ءوتتى.

«Pfizer ۆاكتسيناسى باستاپقىدا بىزدە بار ۆاكتسينا تۇرلەرىن ەسكەرە وتىرىپ، بالالار مەن جۇكتى ايەلدەرگە ساتىپ الىنعان بولاتىن. بۇگىندە ۆاكتسينالاۋعا جاتاتىن جۇكتى ايەلدەردىڭ نە ءبارى 30 پايىزى عانا ەكپە الدى. سوندىقتان قالعان ۆاكتسينا ەل تۇرعىندارىنا سالىنىپ جاتىر»، دەپ ءتۇسىندىردى مينيستر.

 

سوڭعى جاڭالىقتار

قانت تاپشىلىعى نەدە؟

ەكونوميكا • كەشە

بەنزين قىمباتتايدى

ەكونوميكا • كەشە

اق جەلەڭدىلەرگە العىس

مەديتسينا • كەشە

ادالدىقتىڭ ەتالونى ەدى

قازاقستان • كەشە

بۇيراتاۋ بازارلىعى

تۋريزم • كەشە

ءۇش ۇنسىزدىك

ونەر • كەشە

ۇقساس جاڭالىقتار