اقبتك-ءنىڭ 154-بابىنا سايكەس «كاسىپكەرلىك قىزمەتپەن اينالىسۋعا تىيىم سالىنعان ادامنىڭ وسىنداي قىزمەتپەن اينالىسۋىنا» بايلانىستى الماتى وبلىسى بويىنشا كولىكتىك باقىلاۋ ينسپەكتسياسىنىڭ باس مامانى اكىمشىلىك جاۋاپكەرشىلىككە تارتىلدى. ونىڭ كىرىستەرى تاركىلەنىپ, 200 اەك كولەمىندە (612 600 تەڭگە) ايىپپۇل سالىندى.
ء«دال وسى باپپەن وبلىس بويىنشا 23 مەكتەپ ديرەكتورى كاسىپكەرلىك قىزمەتپەن اينالىسقانى ءۇشىن اكىمشىلىك جاۋاپقا تارتىلدى. قازىرگى ۋاقىتتا, ءبىلىم بەرۋ مەكەمە باسشىلارىنىڭ بارلىعىنا 200 اەك ياعني, 612 600 تەڭگە كولەمىندە اكىمشىلىك جازا تاعايىندالدى. سونىمەن قاتار الماتى وبلىسىنىڭ 4 مەكەمە باسشىسى اقبتك–نىڭ 680-بابىنا سايكەس «مەملەكەتتىك ورگاندار باسشىلارىنىڭ سىبايلاس جەمقورلىققا قارسى ءىس-قيمىل جونىندەگى شارالاردى قابىلداماۋىنا» بايلانىستى ارقايسىسىنا 50 اەك (153 150 تەڭگە) كولەمىندە ايىپپۇل سالىندى», دەپ ءتۇسىندىردى قر سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسىنداعى دەپارتامەنت باسقارماسىنىڭ باسشىسى اسقار سادىقوۆ.
17 مامىرداعى جاعداي بويىنشا, سىبايلاس جەمقورلىققا بايلانىستى (اقبتك-ءنىڭ 154, 680-باپتارى بويىنشا) 28 اكىمشىلىك حاتتاما تولتىرىلدى. كاسىپكەرلىك قىزمەت سالاسىنا جانە باسشىلىق تاراپىنان قابىلدانباعان شارالارعا بايلانىستى 28 مەملەكەتتىك قىزمەتشى اكىمشىلىك جاۋاپقا تارتىلدى. سىبايلاس جەمقورلىققا قارسى قىزمەتتىڭ اكىمشىلىك ماتەريالدارى بويىنشا سالىنعان ايىپپۇلداردىڭ جالپى سوماسى 10 ملن اسا تەڭگەنى قۇرادى.
