ايماقتار • 17 مامىر، 2022

تۇركىستان وبلىسىنىڭ تۇرعىنى پوليتسياعا ءتورت گراناتا تاپسىردى

25 رەت كورسەتىلدى

تۇركىستان وبلىسىنىڭ تۇرعىنى پوليتسياعا ءتورت گراناتا تاپسىردى، دەپ حابارلايدى Egemen.kz Polisia.kz-كە سىلتەمە جاساپ.

قوعامدىق قاۋىپسىزدىكتى قامتاماسىز ەتۋ، اتىس قارۋى مەن جارىلعىش زاتتاردى قولدانا وتىرىپ جاسالاتىن قىلمىستار مەن قۇقىق بۇزۋشىلىقتاردىڭ الدىن الۋ ماقساتىندا 2022 جىلعى 25 ساۋىردەن باستاپ تۇركىستان وبلىسى اۋماعىندا تۇرعىندارعا زاڭسىز ساقتالعان اتىس قارۋىن، وق-دارىلەر مەن جارىلعىش زاتتاردى ساتىپ الۋ بويىنشا اكتسيا وتكىزىلۋدە.

وعان قوسا زاڭسىز قارۋمەن اينالىساتىن ادامدار مەن قىلمىستىق توپتاردى ۇستاۋعا، قارۋ يەلەرىنىڭ ونى ساقتاۋداعى ەرەجەلەردى دۇرىس اتقارۋىنا تەكسەرۋ جۇرگىزىلۋدە.

اتالعان اكتسيا اياسىندا وتكىزىلگەن قارۋ-جاراقتار ءۇشىن تۇرعىندارعا سىياقى بەرىلەدى. شارانى وتكىزۋ ءۇشىن تۇركىستان وبلىسىنا ۇكىمەت تاراپىنان 14 ملن تەڭگەدەن استام قارجى بولىنگەن. اتالعان اكتسيا بارىسىندا وبلىس كولەمىندە 112 ازاماتتان 167 دانا وتتى اتىس قارۋ الىندى. ونىڭ ىشىندە 23 ويىق ۇڭعىلى، 137 دانا تەگىس ۇڭعىلى قارۋ، جەتى شولاق قارۋ جانە ءتورت گراناتا الىندى.

ماسەلەن، وسى شارانىڭ رەسپۋبليكا كولەمىندە ءوتىپ جاتقانىنان حاباردار بولعان كەلەس اۋدانىنىڭ تۋماسى ءتورت رگد-5 جارىلعىش زاتىن پوليتسيا بولىمىنە ەرىكتى تۇردە تاپسىرىپ، وزىنە سىياقى بەرىلۋىن سۇراعان. پوليتسەيلەردىڭ سۇراستىرۋ جۇمىستارى ناتيجەسىندە، ول جارىلعىش زاتتى بالىق اۋلاۋ كەزىندە وزەن بويىنداعى اعاش اراسىندا ورالىپ جاتقانىندا تاۋىپ العان. وسى ۋاقىتقا دەيىن قايدا وتكىزەرىن بىلمەگەن تۇرعىن اكتسيانى ەستىگەن بويدا پوليتسيا بولىمىنە جەتكىزگەن.

ايانا توعانبەك

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار