ءمينيستردىڭ ايتۋىنشا, ەلىمىزدەگى اۆتوموبيل جولدارىنىڭ جالپى ۇزىندىعى 96 مىڭ شاقىرىمدى قۇرايدى. ونىڭ ىشىندە 25 مىڭ شاقىرىمى – رەسپۋبليكالىق ماڭىزى بار جولدار بولسا, قالعان 71 مىڭى – وبلىستىق جانە اۋداندىق ماڭىزى بار جولدار.
«2025 جىلعا دەيىن رەسپۋبليكالىق ماڭىزى بار جولداردىڭ نورماتيۆتىك جاعدايداعى ۇلەسىن 100 پايىزعا, جەرگىلىكتى جەلى جولدارىنىڭ ۇلەسىن 95 پايىزعا دەيىن جەتكىزۋ كوزدەلىپ وتىر», دەدى ق. وسكەنباەۆ ۇكىمەت وتىرىسىندا.
كولىك-ترانزيتتىك الەۋەتتى ارتتىرۋ مىندەتتەرىن ىسكە اسىرۋ 8 كولىك ءدالىزىن جاڭعىرتۋ ارقىلى قامتاماسىز ەتىلەدى.
«بۇگىندە جالپى بارلىق دالىزدەر تولىق قۋاتىندا جۇمىس ىستەپ تۇر. جەكەلەگەن ۋچاسكەلەر بويىنشا وتكىزۋ قابىلەتىن ارتتىرۋ ءۇشىن رەكونسترۋكتسيالاۋ جۇمىستارى جۇرگىزىلىپ جاتىر», دەدى ق. وسكەنباەۆ.
