ءبىلىم • 13 مامىر، 2022

الماتىدا وقۋشى زورلانعان جەكەمەنشىك مەكتەپتە زاڭبۇزۋشىلىقتار انىقتالدى

19 رەت كورسەتىلدى

ءبىلىم جانە عىلىم مينيسترلىگى الماتىداعى وقۋشى زورلانعان جەكەمەنشىك مەكتەپتىڭ جۇمىسىنا تەكسەرۋ جۇرگىزىپ، بىرقاتار كەمشىلىكتى انىقتادى، دەپ حابارلايدى Egemen.kz بعم بالالاردىڭ قۇقىعىن قورعاۋ كوميتەتىنىڭ ءباسپاسوز قىزمەتىنە سىلتەمە جاساپ.

كەشە بالالار قۇقىعىن قورعاۋ كوميتەتىنىڭ توراعاسى ەسەنعازى يمانعاليەۆ پەن ونىڭ شتاتتان تىس كەڭەسشىسى رايسا شەر بولعان جايتتىڭ ءمان-جايىن انىقتاۋ ماقساتىندا الماتىداعى «ماريام» جەكەمەنشىك مەكتەبىنە باردى.

«كوميتەت وكىلدەرى وقۋشىنىڭ وتباسىمەن كەزدەستى. قازىر بالاعا پسيحولوگيالىق كومەك كورسەتىلىپ جاتىر. سونداي-اق الماتى قالاسىنىڭ قۇقىق قورعاۋ ورگاندارىنىڭ وكىلدەرىمەن كەزدەسۋ ءوتتى. بۇگىندە قالالىق پوليتسيا دەپارتامەنتى اتالعان ىسكە قاتىستى تەرگەۋ جۇمىستارىن جۇرگىزىپ جاتىر. سونىمەن قاتار زورلىق-زومبىلىق ارەكەتتەرىنىڭ جاسالعانىن انىقتاۋ ءۇشىن ساراپتاما تاعايىندالدى»، دەلىنگەن حابارلامادا.

سونداي-اق مينيسترلىك وكىلدەرى اتالعان ءبىلىم بەرۋ مەكەمەسىنىڭ اكىمشىلىگى جانە ۇستازدارىمەن كەزدەسۋ وتكىزگەن.

«ارنايى قۇرىلعان كوميسسيانىڭ تەكسەرۋ جۇمىسى ناتيجەسىندە مەكتەپتىڭ وقۋ-تاربيە جۇمىسىن ۇيىمداستىرۋ مەن بالالاردىڭ قاۋىپسىزدىگىن قامتاماسىز ەتۋدە (بەينەباقىلاۋ جۇيەسىمەن قامتاماسىز ەتۋ بويىنشا ءتيىستى تالاپتاردى ساقتاماۋ) كەمشىلىكتەر انىقتالدى. ودان بولەك سانيتارلىق-گيگيەنالىق تالاپتارعا دا قاتىستى (سىنىپتا جارىقتىڭ ناشارلىعى، جەلدەتۋ جۇيەسىنىڭ بولماۋى جانە ت.ب.) بىرقاتار بۇزۋشىلىق بار»، دەدى كوميتەتتەن.

 

سوڭعى جاڭالىقتار

ۇقساس جاڭالىقتار