2022 جىلعى 11 جانە 12 مامىردا ەكسپەريمەنتتىك وقىتۋدىڭ وزىق ادىستەرىن پايدالانا وتىرىپ, جاسوسپىرىمدەر مەن جاستار اراسىندا الەۋمەتتىك كاسىپكەرلىك داعدىلارىن نىعايتۋ بويىنشا SAMGAU (سامعاۋ) ەنگىزۋدىڭ ناتيجەلەرىمەن تانىسۋ ءۇشىن بۇۇ بالالار قورى (يۋنيسەف) مەن اقپارات جانە قوعامدىق دامۋ مينيسترلىگىنىڭ وكىلدەرى قاراعاندى قالاسى مەن قاراعاندى وبلىسىنىڭ ءبىلىم بەرۋ مەكەمەلەرىنە باردى. 2020-2021 جىلدارى بارلىعى 20 000-نان استام جاستار باعدارلاماعا قاتىسىپ, ءوز يدەيالارىن ناقتى جوبالارعا ەنگىزۋدى ۇيرەندى.
SAMGAU - بۇۇ بالالار قورىنىڭ (يۋنيسەف) جاستار باعدارلاماسى. قازاقستاندا ول ەڭبەك جانە حالىقتى الەۋمەتتىك قورعاۋ, اقپارات جانە قوعامدىق دامۋ مينيسترلىكتەرىنىڭ قولداۋىمەن جاستار قىزمەتكەرلەرىنىڭ قوعامداستىعىمەن ارىپتەستىكتە ىسكە اسىرىلادى. باعدارلاما يننوۆاتسيالىق الەۋمەتتىك جوبالاردى قۇرۋ ءۇشىن جاسوسپىرىمدەر مەن جاستاردىڭ داعدىلارىن دامىتۋعا جانە نىعايتۋعا باعىتتالعان. جوباعا وسال توپتاردان جاسوسپىرىمدەردى (ايتۆ جانە باسقا سوزىلمالى اۋرۋلارى بار, مۇگەدەكتىگى بار, اتا-اناسىنىڭ قامقورلىعىنسىز قالعان جاستار) تارتۋعا ەرەكشە كوڭىل بولىنەدى. بۇدان باسقا, باعدارلاما جاستارعا الەۋمەتتىك ماڭىزى بار جوبالاردى ىسكە اسىرۋ پروتسەسىندە ەرەكشە قولداۋ بەرەدى.
ء«بىز ءۇشىن جاستاردىڭ پىكىرىن تىڭداۋ, ولاردىڭ قاجەتتىلىكتەرىن ءتۇسىنۋ جانە ولارمەن ءبىر تىلدە سويلەسۋ وتە ماڭىزدى. ءبىز مينيسترلىكتىڭ قىزمەتىن جاستار باستامالارىن قولداۋ جونىندەگى سەرۆيستىك مودەلگە كوشىرۋ ءۇشىن كۇش-جىگەرىمىزدى سالامىز. سوندىقتان ءبىز Samgau سياقتى جوبالاردى جوعارى باعالايمىز, ولار داعدىلاردى نىعايتادى جانە يدەيالاردى جەرگىلىكتى جەرلەردە, اسىرەسە اۋىلدىق جەرلەردە جۇزەگە اسىرۋعا مۇمكىندىك بەرەدى جانە ءبىز وسى ءۇشىن سەرىكتەستەرىمىزگە ريزامىز. ءبىز جاستار رەسۋرستىق ورتالىقتارىنىڭ الەۋەتىن بىرلەسىپ نىعايتۋدى جوسپارلاپ وتىرمىز, وسى باعىت بويىنشا جۇمىستار جۇرگىزىلىپ جاتىر», دەپ ءتۇسىندىردى قازاقستان رەسپۋبليكاسىنىڭ اقپارات جانە قوعامدىق دامۋ ۆيتسە-ءمينيسترى الەكساندر دانيلوۆ.
ماسەلەن, SAMGAU - جەرگىلىكتى مادەنيەتتىڭ ەرەكشەلىكتەرىن ەسكەرە وتىرىپ, ءارتۇرلى ەلدەردە قولدانىلاتىن ادىسناماعا نەگىزدەلگەن جانە جەرگىلىكتى ەرەكشەلىكتەرگە ءتيىمدى بەيىمدەلەتىن UPSHIFT جاھاندىق باعدارلاماسىنىڭ قازاقستاندىق نۇسقاسى. قازاقستاندا ءادىسناما بەرىلەتىن ومىرلىك داعدىلاردى نىعايتۋ بويىنشا ونلاين-ترەنينگتەردى, يننوۆاتسيالار بويىنشا پراكتيكالىق سەمينارلاردى, تالىمگەرلىكتى جانە ازىرلەنگەن شەشىمدەردى سىناقتان وتكىزۋگە ارنالعان شاعىن گرانتتاردى بىرىكتىرەدى. ول وسال جاستار مەن جاسوسپىرىمدەردىڭ مۇمكىندىكتەرىن كەڭەيتۋگە جانە ولاردىڭ الەۋمەتتىك سالادا جاڭاشىل بولىپ قالىپتاسۋىنا باعىتتالعان. وقىتۋدىڭ جاڭا ادىستەمەلەرىن پايدالانا وتىرىپ, باعدارلاما جاستاردى بيزنەس-جوسپارلار قۇرۋعا, بيۋدجەتتى دۇرىس بولۋگە, كوماندا قۇرۋعا, قاتەلەردى تابۋعا جانە بولاشاقتا ولاردى تۇزەتۋ جولدارىن ۇيرەتەدى.
«جاستارمەن جۇمىس جانە قاجەتتى داعدىلاردى ەرتە كەزەڭدە دامىتۋ جاستاردىڭ بولاشاعى ءۇشىن, ونى قوعامنىڭ ەكونوميكالىق ومىرىنە ءتيىمدى ەنگىزۋ ءۇشىن وتە ماڭىزدى. SAMGAU باعدارلاماسى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ بيىلعى قاڭتاردا قازاقستان رەسپۋبليكاسى پارلامەنتى ءماجىلىسىنىڭ وتىرىسىندا سويلەگەن سوزىندە جاستار مەن حالىقتىڭ وسال توپتارىنىڭ ىسكەرلىك باستامالارىن ىسكە اسىرۋ ءۇشىن جاعداي جاساۋ جونىندەگى باستاماسىنا جاۋاپ بەرەدى. بۇگىن ءبىز قاراعاندى مەن قارقارالىدا SAMGAU باعدارلاماسىنىڭ ارقاسىندا جۇزەگە اسىرىلعان بالالاردىڭ تاماشا جوبالارىن كوردىك. ءبىزدىڭ باعدارلاما بۇكىل قازاقستان بويىنشا جاستار رەسۋرستىق ورتالىقتارىنىڭ جۇمىسىنا نەگىز بولادى جانە قازاقستاندىق جاستاردىڭ دامۋىنا ۇلكەن ۇلەس قوسادى دەپ سەنەمىن», دەپ اتاپ ءوتتى يۋنيسەف-ءتىڭ قازاقستانداعى وكىلىنىڭ ورىنباسارى لەتيسيا باززي-ۆەيل.
مامىر ايىنداعى ساپار اياسىندا قاراعاندى جانە قارقارالى قالالارىنىڭ 4 ءبىلىم بەرۋ مەكەمەسى نازارعا الىندى.
دامۋىندا ەرەكشە قاجەتتىلىكتەرى بار بالالارعا ارنالعان بالالار ۇيىندە (قاراعاندى ق.) باعدارلامانىڭ 1 – كەزەڭىنە 24 ءجاسوسپىرىم قاتىستى, ال ولاردىڭ 7-ەۋى كەلەسى كەزەڭدەرگە قاتىسىپ, ەكى كوماندا قۇردى. كەلەسى وقۋ جىلىندا ولار 3-كەزەڭگە – ەكى جەكە جوبا بويىنشا ءۇش ايلىق تالىمگەرلىك باعدارلاماسىنا كىرىسەدى.
قاراعاندى قالاسىنىڭ №48 جالپى ءبىلىم بەرەتىن مەكتەبىندە 23 وقۋشى باعدارلامانىڭ 1-ءشى كەزەڭىنە – ومىرلىك داعدىلاردى ونلاين-فورماتتا وقىتۋعا قاتىستى, ال قازىرگى ۋاقىتتا ەكى كوماندا وزدەرىنىڭ جوبالارى بويىنشا ءۇش ايلىق تالىمگەرلىك باعدارلاماسىن اياقتاۋدا: ەكولوگيالىق تاقىرىپ بويىنشا سپەكتاكل جانە مەكتەپتىڭ «جاسىل بۇرىشىن» قۇرۋ. وسى كوماندالاردىڭ تالىمگەرلەرى نەمەسە مەنتورلارى EPAM قازاقستان كومپانياسىنىڭ وكىلدەرى بولىپ تابىلادى.
«مەن بالالارمەن كەزدەسۋگە, ولاردىڭ تاماشا جوبالارىن جانە Samgau باعدارلاماسىنىڭ ارقاسىندا ولاردىڭ قالاي جۇزەگە اسىرىلىپ جاتقانىن ءوز كوزىممەن كورۋگە وتە قۋانىشتىمىن. بالالار ۇيىندە دە, جالپى ءبىلىم بەرەتىن مەكتەپتە دە بالالار شاحماتقا قىزىعۋشىلىق تانىتاتىنىن, سونداي-اق ەكى جەردە دە شاحمات سەكتسيالارىنا قاتىسۋ مۇمكىندىگى بار ەكەنى دە وتە قۋانتارلىق جاعداي. ولارمەن ويناۋ جانە اڭگىمەلەسۋ, ولاردىڭ بولاشاق مانسابىنا دەگەن ماقساتتارىن تىڭداۋ مەن ءۇشىن قىزىقتى بولدى», دەپ ءتۇسىندىردى يۋنيسەف-ءتىڭ قازاقستانداعى ىزگى نيەت ەلشىسى, شاحماتتان ءتورت دۇركىن الەم چەمپيونى دينارا سادۋاقاسوۆا.
يۋنيسەف-ءتىڭ كورۋ قابىلەتى بۇزىلعان بالالارعا ارنالعان №1 وبلىستىق ارنايى مەكتەپ-ينتەرناتىندا «جان» مۇگەدەكتەر قۇقىعى جونىندەگى ازيالىق قوعام» قب جانە EPAM قازاقستان كومپانياسىنىڭ قولداۋىمەن «كورۋ قابىلەتى بۇزىلعان بالالاردىڭ تسيفرلىق جانە باسقا دا داعدىلارىن دامىتۋ» جوباسى ىسكە قوسىلدى. جوبانىڭ ماقساتى-كورۋ قابىلەتى ناشار بالالار مەن جاسوسپىرىمدەردىڭ تسيفرلىق داعدىلارىن قالىپتاستىرۋ جانە ولاردى SAMGAU باعدارلاماسىنا ودان ءارى قاتىسۋعا دايىنداۋ.
قارقارالى قالاسىنىڭ جاستار رەسۋرستىق ورتالىعىندا (جرو) SAMGAU تۇلەكتەرى باعدارلاما كابينەتىن تانىستىرىپ, 2021-2022 جىلدارعا ارنالعان دامۋ ستراتەگياسى, نەگىزگى قىزمەتى جانە جۇزەگە اسىرىلىپ جاتقان جوبالار تۋرالى ايتىپ بەردى. قاتىسۋشىلار جاستار قىزمەتكەرلەرىنىڭ بىلىكتىلىگىن ارتتىرۋ باعدارلامالارىنا جانە «Jastar belgisi» جاستار رەسۋرستىق ورتالىقتارىنا ارنالعان ساپا بەلگىسى» ەرىكتى سەرتيفيكاتتاۋ باعدارلاماسىنا قاتىسۋ تاجىريبەسىمەن ءبولىستى.
№ 44 مەكتەپ-ينتەرناتى (قارقارالى ق.) Samgau-عا 2021 جىلدان بەرى قاتىسادى. وسىلايشا, 25 وقۋشى ءبىرىنشى كەزەڭدى ءساتتى اياقتادى, 10 ءجاسوسپىرىم كەلەسى كەزەڭنەن وتۋگە قالدى, ال 4 قاتىسۋشىدان تۇراتىن كوماندا ءتىپتى شاعىن گرانتقا يە بولدى جانە قازىرگى ۋاقىتتا ينتەرناتتا تۇراتىن باستاۋىش سىنىپ وقۋشىلارىنا كومەك كورسەتۋ ءۇشىن ءوزىنىڭ «ۇزارتۋ» جوباسىن جۇرگىزۋدە.
باعدارلامانىڭ باستى ماقساتى – جاسوسپىرىمدەر مەن جاستاردىڭ الەۋمەتتىك يننوۆاتسيالار مەن كاسىپكەرلىك ءۇشىن قاجەتتى داعدىلارىن دامىتۋ جانە بولاشاق مۇمكىندىكتەر مەن جۇمىس ورىندارىن قۇرۋمەن بىرگە SAMGAU باعدارلاماسى ءوڭىردىڭ بولاشاق الەۋەتىن اشا وتىرىپ, جاستاردىڭ جەرگىلىكتى قوعامداستىعىنا وڭ اسەر ەتەدى.
