ەل ەكونوميكاسى 4،4 پايىزعا ءوستى

ۇكىمەت ينفلياتسيانى تەجەيدى

ۇلتتىق ەكونوميكا ءمينيسترى الىبەك قۋانتىروۆتىڭ مالىمەتىنشە، ناقتى سەكتورداعى ءوسىم 5،1 پايىزدى قۇرادى. قىزمەت كورسەتۋ سالاسىندا ىسكەرلىك بەلسەندىلىك 3،4 پايىزعا دەيىن ۇلعايدى. سالالار اراسىندا ساۋدا، قۇرىلىس، كولىك جانە قويمالاۋ، اقپارات جانە بايلانىس، وڭدەۋ ونەركاسىبى، سۋمەن جابدىقتاۋ، تاۋ-كەن ءوندىرىسى ونەركاسىبى، اۋىل شارۋاشىلىعى وڭ ءوسىم كورسەتۋدە.

نەگىزگى كاپيتالعا سالىنعان ينۆەس­تيتسيالاردىڭ ءوسۋ قارقى­نى 2،3 پايىزعا تەڭ. تاۋ-كەن ءون­دى­رىسى ونەركاسىبىن ەسەپكە الما­عاندا، نەگىزگى كاپيتالعا سالىنعان ينۆەس­تيتسيالاردىڭ ءوسۋ قارقىنى 0،7 پا­يىزدى قۇرادى. ينۆەستيتسيالار ءبىلىم بەرۋدە 87 پايىزعا، مەم­لە­كەتتىك باسقارۋ، الەۋمەتتىك قام­سىز­داندىرۋدا 74،1 پايىزعا، قۇرىلىس سالاسىندا 62 پايىزعا، عىلىمي جانە تەحنيكالىق قىزمەتتە 53،7 پايىزعا ءوستى.

وڭىرلەر اراسىندا ەڭ جوعارعى كورسەتكىش شىمكەنت قالاسىندا، سونداي-اق اقمولا وبلىسىندا جانە الماتى قالاسىندا بايقالىپ وتىر.

– قاڭتار-ناۋرىزدا سىرتقى ساۋ­دا تاۋار اينالىمى 45 پايىزعا ءوسىپ، 28،7 ملرد دوللاردى قۇرادى. ونىڭ ىشىندە ەكسپورت كورسەتكىشى 66 پايىزعا ءوسىپ، 19،1 ملرد دوللارعا دەيىن جەتتى. بۇل رەتتە وڭدەلگەن تاۋارلار ەكسپورتى 32،4 پايىزعا ارتىپ، 5،3 ملرد دوللاردى قۇرادى. تاۋار­لار يمپورتى 9،5 ملرد دوللارعا تەڭ. جالپى، وڭ ساۋدا بالانسى جاق­سارىپ، 9،6 ملرد دوللاردى قۇرادى، – دەدى ءا.قۋانتىروۆ.

وڭدەۋ ونەركاسىبىندە سەرپىندى ءوسۋ ءۇردىسى بايقالۋدا. قاڭتار-ءساۋىر ايلارىندا ءوندىرىس كولەمى 5،8 پايىزعا ءوستى. بارلىق ءوڭىر بو­يىنشا وڭ ءوسۋ كورسەتكىشى تىر­كەلدى. ەڭ جوعارعى ءوسۋ الماتى قالا­سىنا، سونداي-اق اتىراۋ جانە جام­بىل وبلىستارىنا تيەسىلى. تاۋ-كەن ونەركاسىبىندە ءوندىرىس كولە­مى 4،4 پايىزعا ۇلعايدى. اۋىل شا­رۋ­ا­شىلىعىنىڭ جالپى شىعارىلىمى 1،9 پايىزعا ۇلعايعان.

– ەسەپتى كەزەڭدە قۇرىلىس سەك­تورى جوعارى ءوسۋ قارقىنىن كور­سەتىپ، ورىندالعان قۇرىلىس جۇمىس­تارىنىڭ كولەمى 9،5 پايىزعا ءوستى. كور­سەتكىشتىڭ وڭ ءوسىمى 15 وڭىردە تىركەلگەن. قۇرىلىس-مونتاجداۋ جۇ­مىستارىنىڭ ەڭ جوعارى ءوسۋى اقمولا وبلىسىندا، سونداي-اق الماتى جانە نۇر-سۇلتان قالالارىندا بايقالۋدا. وسى جىلعى قاڭتار-ءساۋىر ايلارىنىڭ قورىتىندىسى بويىنشا تۇرعىن ءۇيدى پايدالانۋعا بەرۋ 2،4 پايىزعا ءوسىپ، 3،6 ملن شارشى مەتردى قۇرادى. وڭ ديناميكا 13 وڭىردە تىركەلدى. ولاردىڭ اراسىندا ەڭ جوعارعى كورسەتكىش شىمكەنت قالاسىندا، سونداي-اق الماتى جانە پاۆلودار وبلىستارىندا بايقالدى، – دەدى ۇلتتىق ەكونوميكا ءمينيسترى.

7 ەكونوميكالىق كورسەتكىش بويىنشا 6 وڭىردە وڭ ديناميكا بار – اقمولا، الماتى، پاۆلودار جانە شىعىس قازاقستان وبلىستارى، سونداي-اق نۇر-سۇلتان جانە شىمكەنت قالالارىندا بەلگىلەنىپ وتىر. 6 كورسەتكىش بويىنشا ءوسىم 5 وڭىردە بايقالۋدا.

الەمدە ينفلياتسيالىق قىسىم گەوساياسي شيەلەنىستىڭ سالدارىنان كۇشەيىپ وتىرعانى بەلگىلى. بۇل جاعداي تاۋار جەتكىزىلىمىندەگى پروبلەمالاردى ۋشىقتىرا ءتۇستى. ۇلتتىق بانك باسشىسى عالىمجان ءپىرماتوۆتىڭ ايتۋىنشا، ازىق-ت ۇلىكتىڭ الەمدىك باعاسى جوعارى دەڭگەيدە ساقتالىپ وتىر. شيكىزات پەن ماتەريالدار قۇنىنىڭ تۇراقتى تۇردە ءوسۋى اياسىندا دايىن ءونىمنىڭ دە جاپپاي قىمباتتاۋى ورىن العان.

ۇلتتىق بانك بولجامىنا ساي­كەس قازاقستانداعى ينفلياتسيا ناۋ­رىزداعى 12 پايىزدان ساۋىردە بارلىق كومپونەنت بويىنشا باعا جىلدام وسكەندىكتەن 13،2 پايىز­عا دەيىن ءوستى. ازىق-ت ۇلىك باعا­سى­نىڭ جىلدىق ءوسىمى 15،4 پايىزدان 17،9 پايىزعا دەيىن جەدەلدەدى. الەۋ­مەتتىك ماڭىزى بار ازىق-ت ۇلىك تاۋار­لارى باعاسىنىڭ اپتا سايىنعى ءوسۋى تۇراقتاندى. الايدا ناۋرىزدا جەكەلەگەن ازىق-ت ۇلىك تاۋارلارىنا سۇرانىس ارتقاندىقتان، باعانىڭ جىلدىق ءوسىمى جوعارى دەڭگەيدە ساقتالىپ وتىر.

– سىرتقى ينفلياتسيالىق جاعداي 10،9 پايىزدان 11،1 پايىزعا دەيىن جەدەلدەگەن ازىق-ت ۇلىككە جاتپايتىن تاۋارلار باعاسىنا ءوسىم تۇرعىسىنان قىسىم كورسەتۋىن جالعاستىرۋدا. اقىلى قىزمەت كورسەتۋ باعاسىنىڭ ءوسۋى 8،3 پايىزدان 8،9 پايىزعا دەيىن جەدەلدەدى. بۇل بىرقاتار نارىق قىزمەتى باعاسىنىڭ وسۋىنە بايلانىستى. ينفلياتسيالىق تاۋەكەلدەردى ەسكەرە وتىرىپ، ينفلياتسيا جىل سوڭىنا دەيىن جوعارى دەڭگەيدە ساقتالادى، – دەدى ع.ءپىرماتوۆ.

ساۋىردە جاھاندىق قار­جى نارىقتارىنداعى قۇبىل­ما­لى­لىق­تىڭ جالعاسۋىنا قاراماستان، تەڭگە باعامى 1 اقش دوللارى ءۇشىن 445،62 تەڭگەگە دەيىن نەمەسە 4،6 پا­يىزعا نىعايدى.

– ساۋىردە شەتەل ۆاليۋتاسىنا سۇرانىستىڭ ايتارلىقتاي ازايۋى بايقالدى. قازاقستان قور بير­جاسىنداعى ساۋدا-ساتتىقتىڭ ورتاشا كۇندىك كولەمى 179 ملن دوللاردان 92 ملن دوللارعا دەيىن ازايدى. ۆاليۋتا نارىعىنا كۆازيمەملەكەتتىك سەكتور سۋبەكتىلەرىنىڭ ۆاليۋتالىق ءتۇسىمدى ساتۋى قولداۋ كورسەتتى. ولار­دىڭ كولەمى ساۋىردە شامامەن 253،2 ملن دوللاردى قۇرادى. رەسپۋب­ليكالىق بيۋدجەتكە بەرىلەتىن ترانس­فەرتتەردى قامتاماسىز ەتۋ ءۇشىن ساۋىردە ۇلتتىق قوردان 168،3 ملن دوللار ساتىلدى، – دەدى ۇلتتىق بانك باسشىسى.

ىشكى ۆاليۋتا نارىعىنداعى جاع­داي­دىڭ تۇراقتانۋى اياسىندا ۇلت­تىق بانك ءساۋىر ايىندا ۆاليۋتالىق ينتەرۆەنتسيالاردى جۇرگىزگەن جوق.

– قىسقا مەرزىمدى پەرسپەكتيۆادا گەوساياسي جاعدايدىڭ بەلگىسىزدىگىنەن تەڭگەنىڭ قۇبىلمالىلىق تاۋەكەلى ساق­تالادى. ۇلتتىق بانك تەڭگەرىم­سىزدىكتىڭ جيناقتالۋىنا جول بەر­مەيتىن جانە التىن-ۆاليۋتا رەزەرۆ­تەرىنىڭ ساقتالۋىن قامتاماسىز ەتەتىن ەركىن باعام رەجىمىن ۇستانۋدى جالعاستىرادى، – دەپ ناقتىلادى ع.ءپىرماتوۆ.

جالپى حالىقارالىق رەزەرۆتەر ءساۋىر ايىنىڭ سوڭىندا 85،9 ملرد دوللاردى قۇرادى. ۇلتتىق بانكتىڭ التىن-ۆاليۋتا اكتيۆتەرى جىل باسىنان بەرى ۆاليۋتالىق ينتەرۆەنتسيالار، ەكىنشى دەڭگەيلى بانك شوتتارىنداعى قالدىقتاردىڭ جانە سىرتقى بورىش بويىنشا تولەم­دەردىڭ ەسەبىنەن 851 ملن دوللارعا تومەندەپ، 33،5 ملرد دوللاردى قۇ­رادى.

– ۇلتتىق قوردىڭ اكتيۆتەرى 52،4 ملرد دوللارعا تەڭ. رەسپۋبليكالىق بيۋدجەتكە 1،5 ترلن تەڭگە ترانسفەرت ءبولۋ ءۇشىن بيىلعى 4 ايدا 2،3 ملرد دوللارعا ۆاليۋتالىق اكتيۆتەر ساتىلدى. مۇناي باعاسى كوتەرىلگەن تۇستا ۇلتتىق قورعا تۇسەتىن ءتۇسىم وتكەن جىلدىڭ وسى كەزەڭىمەن سالىستىرعاندا 5 ەسەدەن اسا ۇلعايىپ، جىل باسىنان بەرى 2،1 ترلن تەڭگەنى قۇرادى. ۇلتتىق قوردىڭ كىرىستىلىگى قۇرىلعاننان باستاپ 30 ساۋىرگە دەيىن جىلدىق كورسەتكىشتە 3،22 پايىزعا جەتتى، – دەدى ۇلتتىق بانك توراعاسى.

بىرىڭعاي جيناقتاۋشى زەينەت­اقى قورىنىڭ زەينەتاقى اكتيۆتەرى ساۋىردە 12،9 ترلن تەڭگەنى قۇرادى. جىل باسىنان بەرى ينۆەستيتسيالىق كىرىس شامامەن 136،5 ملرد تەڭگە، زەينەتاقى جارنالارى – 524 ملرد تەڭگە، زەينەتاقى تولەمدەرى 89،6 ملرد تەڭگە بولدى. سوڭعى 12 ايدا زەينەتاقى اكتيۆتەرىنىڭ كىرىستىلىگى 8 پايىزعا تەڭ.

ۇلتتىق بانك جاعدايدىڭ دامۋى مەن ونىڭ نارىقتارعا ىقپالىن ۇنەمى قاداعالاپ، سانكتسيالاردىڭ قازاقستاننىڭ قارجى جۇيەسىنە اسەر ەتۋ دارەجەسىن باعالاپ وتىرادى. سونداي-اق باعا جانە قارجى تۇراق­تىلىعىن قامتاماسىز ەتۋ ءۇشىن شارالار قابىلداۋدى جالعاستىرادى.

پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ مەملەكەتتىك بيۋدجەتكە 5 ترلن 93 ملرد تەڭگە سوماسىندا كىرىستەر تۇسكەنىن نەمەسە جوسپار 108،6 پايىزعا ورىندالعانىن اتاپ ءوتتى. رەسپۋبليكالىق بيۋدجەتكە 3،4 ترلن تەڭگەگە جۋىق قاراجات ءتۇس­تى نەمەسە جوسپار 101،1 پايىزعا ورىن­دالدى. كىرىستەر بويىنشا جوسپار 36 ملرد تەڭگەگە، ونىڭ ىشىندە سالىقتار 24 ملرد تەڭگەگە، سا­لىق­تىق ەمەس تۇسىمدەر 12 ملرد تەڭ­­گەگە اسىرا ورىندالعان. ىشكى تۇ­تىنۋ تاۋارلارىنا سالىناتىن قوسىلعان قۇن سالىعى بويىنشا جوس­پار ورىندالماعان.

– جەرگىلىكتى بيۋدجەتتەردىڭ كىرىستەرى 127،1 پايىزعا اتقارىلدى جانە 1 ترلن 719 ملرد تەڭگەنى قۇرادى. جوسپار 366 ملرد تەڭگەگە، ونىڭ ىشىندە سالىقتار بويىنشا 325 ملرد تەڭگەگە اسىرا ورىندالدى. كىرىستەر بويىنشا جوسپارلار ماڭعىستاۋ وبلىسىن قوسپاعاندا، بارلىق وڭىردە اسىرا ورىندالدى. مەملەكەتتىك بيۋدجەتتىڭ شىعىستارى 98،8 پايىزعا، رەسپۋبليكالىق بيۋدجەتتىڭ شىعىستارى 99،4 پايىزعا، جەرگىلىكتى بيۋدجەتتەردىڭ شىعىستارى 98،5 پايىزعا اتقارىلدى. رەسپۋبليكالىق بيۋدجەت بويىنشا سوماسى 5،6 ترلن تەڭگەگە شىعىستار جۇرگىزىلدى. اتقا­رىل­ماۋ 31 ملرد تەڭگەنى قۇرادى. ونىڭ ىشىندە 8 ملرد تەڭگە ۇنەم­دەلدى. يگەرىلمەگەنى – 23 ملرد تەڭگە. يگەرىلمەگەن ءىرى سومالار قارجى، مادەنيەت جانە سپورت، قورعانىس جانە ىشكى ىستەر مينيسترلىكتەرىندە قالىپتاستى، – دەدى ە.جاماۋباەۆ.

جەرگىلىكتى بيۋدجەتتەردىڭ شىعىس­تارى 2،7 ترلن تەڭگەنى قۇرادى. اتقارىلماعانى – 42 ملرد تەڭگە. بيىل وڭىرلەرگە 2،6 ترلن تەڭگەگە جۋىق نىسانالى ترانسفەرتتەر كوز­دەلگەن. ولارعا 1 مامىرعا 696 ملرد تەڭگە بولىنگەن. ونىڭ 98،3 پايىز يگەرىلدى. اتقارىلماعانى – 12 ملرد تەڭگە، ونىڭ ىشىندە 3 ملرد تەڭگە – ۇنەمدەۋ، 9 ملرد تەڭگە يگەرىلمەگەن. ەڭ كوپ يگەرىلمەۋ ماڭعىستاۋ، الماتى جانە قاراعاندى وبلىس­تارىندا، سونداي-اق نۇر-سۇلتان قا­لا­سىندا قالىپتاسقان.

بايانداماشىلاردى تىڭداعان پرەمەر-مينيستر ءاليحان سمايىلوۆ ەلىمىزدىڭ ىشكى جالپى ونى­مىندەگى ءوسىمى ەكونوميكانىڭ ناقتى سەكتورىنىڭ قارقىندى دامۋىنىڭ ناتيجەسىندە قامتاماسىز ەتىلگەنىن اتاپ ءوتتى.

سونداي-اق ۇكىمەت باسشىسى سانك­تسيالىق شەكتەۋلەر اياسىندا سىرتقى كەلەڭسىز اسەرلەردى ازايتۋ جانە ۇلتتىق ەكونوميكانىڭ ودان ءارى دامۋىن قامتاماسىز ەتۋ جو­نىندەگى ءىس-شارالاردى جانداندىرۋ قاجەت ەكەنىن جەتكىزدى.

پرەمەر-مينيستر جىلدىق ينفلياتسيانى جەدەلدەتۋگە اسەر ەتىپ وتىرعان ازىق-ت ۇلىك تاۋارلارى باعاسىنىڭ ءوسۋىن تەجەۋ بويىنشا قابىلدانىپ جاتقان شارالارعا ەرەكشە نازار اۋداردى.

– بىرىككەن ۇلتتار ۇيىمىنىڭ دەرەكتەرى بويىنشا دۇنيە جۇزىندە ازىق-ت ۇلىك باعالارى سوڭعى 12 ايدا 36 پايىزعا ءوستى. الەمدە، اسىرەسە، قانت، ەت جانە ءسۇت ونىمدەرىنىڭ باعاسى ءوسىپ بارادى. بۇل ءوز كەزەگىندە ءبىزدىڭ نارىققا دا تىكەلەي اسەر ەتىپ وتىر. قازىرگى ۋاقىتتا ۇكىمەت ينفلياتسيانى تەجەۋ بويىنشا ءتيىستى شارالاردى قابىلداۋدا. مەملەكەتتىك ورگاندار مەن اكىمدىكتەر جۇمىستى ءتيىمدى قامتاماسىز ەتىپ، بۇل ماسەلەنى ەرەكشە باقىلاۋدا ۇستاۋى كەرەك، – دەدى ءا.سمايىلوۆ.

بىلتىرعى سايكەس كەزەڭدە قازاقستاننىڭ ىشكى جالپى ءونىمىنىڭ ءوسۋ قارقىنى 0،7 پايىزدى قۇراعانىن اتاپ وتكەن ءجون.

جىلىتۋ ماۋسىمى – جىل بويى نازاردا

سونداي-اق ۇكىمەت وتىرىسىندا جىلىتۋ كەزەڭىنىڭ قورىتىندىسى مەن الداعى جىلىتۋ ماۋسىمىنا دايىندىق بارىسى قارالدى.

ەنەرگەتيكا ءمينيسترى بولات اقشولاقوۆتىڭ ايتۋىنشا، قازاقستاندا پەتروپاۆل قالاسىن قوس­پاعاندا، جىلۋ بەرۋ ماۋسىمى تۇ­راقتى رەجىمدە ءوتتى. 2021 جىلى ەلدىڭ ەلەكتر ستانسالارىندا 114،3 ملرد كۆتس ەلەكتر ەنەرگياسى ءون­دىرىلدى. قىسقى ەڭ جوعارى جۇكتەمە 2022 جىلعى 21 قاڭتاردا تىركەلىپ، 15 931 مۆت-تى قۇرادى.

بىلتىر قازاقستاننىڭ ءبىرتۇتاس ەلەكتر ەنەرگەتيكالىق جۇيەسىندە 5 562 تەحنولوگيالىق بۇزۋشىلىق ورىن الدى. وتكەن جىلدىڭ سايكەس كەزەڭىمەن سالىستىرعاندا تەح­نولوگيالىق بۇزۋشىلىقتار سانى 20 پايىزعا ارتتى. ەلەكتر ستانسالارىندا تەحنولوگيالىق بۇزۋشىلىقتىڭ وسۋىنە قازاقستان اۋماعىندا كوروناۆيرۋس پاندەمياسىنا بايلانىستى ەنگىزىلگەن شارالارعا سايكەس 2020 جىلى جابدىقتى جوسپارلى جوندەۋ بويىنشا جۇمىستار كولەمىنىڭ تو­مەن­دەۋى، جەتكىلىكسىزدىگى جانە جۇمىس­تاردىڭ كەيىنگە قالدىرىلۋى اسەر ەتتى.

– قازىرگى جىلىتۋ ماۋسىمىندا ەلەكتر ستانسالارىنىڭ جەرگىلىكتى اتقارۋشى ورگاندار بەكىتكەن جىلۋ جەلىلەرى جۇمىسىنىڭ تەمپە­را­تۋرالىق كەستەلەرىن ساقتاماۋدىڭ 36 جاعدايى تىركەلدى. بۇل وتكەن جىلعى دەڭگەيدەن 18 پايىزعا تومەن. جىلۋ جەلىلەرىنىڭ تەمپەراتۋرالىق كەستەسىنىڭ بۇزىلۋىنىڭ نەگىزگى سەبەبى – ەنەرگەتيكالىق قوندىرعىنى پايدالانۋدا جىبەرىلگەن كەمشىلىكتەر، – دەدى ب.اقشولاقوۆ.

ەلەكتر ستانسالارىنىڭ وتىن ءۇشىن كرەديتورلىق بەرەشەگىنىڭ كوپ بولۋى دا وزەكتى ماسەلە. ەنەرگيا ءوندىرۋشى ۇيىمداردىڭ «قازترانسگاز-ايماق» اق الدىن­داعى بەرەشەگى 2 ملرد 272 ملن تەڭگەنى قۇرادى. سونداي-اق «بوگا­تىر-كومىر» جشس الدىندا «كوك­شەتاۋ جىلۋ»-دىڭ 722 ملن تەڭگە مولشەرىندە بەرەشەگى بار.

يندۋستريا جانە ينفرا­قۇ­رى­لىمدىق دامۋ ۆيتسە-ءمينيسترى مارات قاراباەۆ 2021-2022 جىلعى جى­لىتۋ ماۋسىمى تۇراقتى ءوتتى دەپ باعالادى. 2021 جىلدىڭ قورى­تىن­دىسى بويىنشا 111،7 ملن توننا كومىر ءوندىرىلدى.

– حالىقتى جانە كوممۋنالدىق-تۇرمىستىق سەكتوردى كومىرمەن قامتاماسىز ەتۋ ءبىزدىڭ مينيسترلىكتىڭ تۇراقتى باقىلاۋىندا بولىپ، كومىر جەتىسپەۋشىلىگى بولعان جاعدايدا ماسەلەلەر جەدەل شەشىلىپ وتىردى، – دەدى م.قاراباەۆ

ول الداعى جىلۋ بەرۋ ماۋسىمىنا 47 مىڭنان استام كوپ­قاباتتى تۇرعىن ءۇيدى، 11 مىڭعا جۋىق ءبىلىم بەرۋ جانە 5 مىڭعا جۋىق دەنساۋلىق ساقتاۋ وبەكتىلەرىن دايىنداۋ قاجەت ەكەنىن اتاپ ءوتتى. شامامەن 4 مىڭ شاقىرىم جىلۋمەن جابدىقتاۋ جەلىلەرىن، 10 مىڭ دەربەس قازاندىق قوندىرعىلارىن جانە 13 مىڭ شاقىرىم سۋمەن جابدىقتاۋ جانە سۋ بۇرۋ جەلىلەرىن دايارلاۋ قاجەت.

– دەبيتورلىق بەرەشەك­كە توقتالساق، بۇگىندە تۇتىنۋ­ش­ى­لار­دىڭ كوممۋنالدىق قىزمەتتەر ءۇشىن دەبيتورلىق بەرەشەك كولەمى شامامەن 14،8 ملرد تەڭگەنى قۇراپ وتىر. بۇل وتكەن جىلمەن سالىستىرعاندا 214 ملن تەڭگەگە ازايعان. اكىمدىكتەر بورىشكەرلەرمەن دەبيتورلىق بەرەشەكتى وتەۋ جانە ازايتۋ بو­يىنشا جۇيەلى جۇمىستار جۇرگىزۋدە، – دەدى ول.

پرەمەر-مينيستر ءاليحان سمايى­لوۆ جىلىتۋ ماۋسىمىنا قا­تىستى بىرقاتار تاپسىرما بەردى. اتاپ ايتقاندا، ەنەرگەتيكا مينيس­ترلىگى مەن اكىمدىكتەر جىلىتۋ ماۋ­سىمى باستالعانعا دەيىن جىلۋ جانە ەنەرگەتيكا نىساندارىنىڭ بارلىعىنىڭ جاي-كۇيى مەن دايىن­دىعىن تولىق تەكسەرۋگە ءتيىس.
1 ماۋسىمعا دەيىن اكىمدىكتەر تۇرعىن ءۇي-كوممۋنالدىق شارۋاشىلىق، تۇرعىن ءۇي جانە الەۋمەتتىك سالا وبەك­تىلەرىن جىلۋ بەرۋ ماۋسىمىنا دايىنداۋ جونىندەگى ءىس-شا­را­­لار جوسپارىن بەكىتۋى كەرەك. ءبى­لىم بەرۋ جانە دەنساۋلىق ساق­تاۋ وبەكتىلەرىنىڭ دايىندىعىن 1 قىر­­­كۇيەككە دەيىن قامتاماسىز ەتۋ قاجەت.

ۇكىمەت باسشىسى ءوڭىر اكىم­دەرىنىڭ نازارىن جاڭا قۇرى­لىس­تاردى ىسكە قوسۋ ءۇشىن ولاردى كوم­مۋ­نالدىق جانە ينجەنەرلىك ينفرا­قۇرىلىممەن ۋاقتىلى قامتا­ماسىز ەتۋگە اۋداردى.

سونىمەن قاتار تۇتىنۋ­شى­لاردىڭ كوممۋنالدىق قىزمەتتەر ءۇشىن دەبيتورلىق بەرەشەگىن ازايتۋ جانە ەنەرگيا ءوندىرۋشى ۇيىمداردىڭ وتىن جەتكىزۋشىلەر الدىنداعى بەرەشەگىن وتەۋ جونىندە شارالار قابىلداۋ قاجەت.

ءاليحان سمايىلوۆ بىلتىر رەسپۋبليكانىڭ شىعىس جانە سولتۇستىك وڭىرلەرىندە كۇننىڭ ەرتە سۋى سالدارىنان كەزەكتەر پايدا بولىپ، كومىر باعاسىنىڭ كوتەرىلگەنىن ەسكە سالدى.

– يندۋستريا جانە ينفرا­قۇ­رىلىمدىق دامۋ مينيسترلىگى اكىم­دىكتەرمەن بىرلەسىپ، تۇرعىنداردى، جەو مەن قازاندىقتاردى قاجەتتى كولەمدەگى كومىرمەن الدىن الا قامتاماسىز ەتۋ جۇمىستارىن ۇيىم­داستىرۋعا ءتيىس. «قازاقستان تەمىر جولى» كومپانياسى ەلەكتر ستانسالارىنا كومىر جەتكىزۋگە باسىمدىق بەرە وتىرىپ، ولاردى قاجەتتى ۆاگوندارمەن قامتاماسىز ەتۋى كەرەك. باسەكەلەستىكتى قورعاۋ جانە دامىتۋ اگەنتتىگى اكىمدىكتەرمەن بىرلەسىپ، كومىر باعاسىن ەرەكشە باقىلاۋعا الىپ، اسىرەسە تۇرعىندار ءۇشىن كومىر باعاسىنىڭ نەگىزسىز وسۋىنە جول بەرمەۋ شارالارىن قابىلداۋى قاجەت، – دەدى ۇكىمەت باسشىسى.