ءبىلىم جانە عىلىم مينيسترلىگىنىڭ بالالار قۇقىعىن قورعاۋ كوميتەتىنىڭ وكىلدەرى اتالعان دەرەك باقىلاۋدا ەكەنىن جەتكىزدى.
ء«بىز بۇل جاعدايدى ەرەكشە باقىلاۋدا ۇستاپ وتىرمىز. بۇگىن پروفيلاكتيكالىق ءىس-شارالاردى جۇرگىزۋ ماقساتىندا «ماريام» جەكەمەنشىك مەكەمەسىندە تەكسەرۋ جۇرگىزەمىز. سونىمەن قاتار وقۋشىنىڭ وتباسىنا دا بارىپ, قاجەتتى كومەك كورسەتەمىز. بالاعا پسيحولوگيالىق كومەك كورسەتىلەدى. تەرگەۋدىڭ قورىتىندىلارىنا بايلانىستى شارالار قابىلدانادى. ساراپتاما ناتيجەسىن كۇتۋ ماڭىزدى. قۇقىق قورعاۋ ورگاندارىمەن بايلانىستا بولامىز», دەدى بالالار قۇقىعىن قورعاۋ كوميتەتىنىڭ توراعاسى ەسەنعازى يمانعاليەۆ.
الماتى قالالىق پوليتسيا دەپارتامەنتى ءباسپاسوز قىزمەتى وسى وقيعا بويىنشا بالانىڭ اكەسى ناۋرىزباي اۋداندىق پوليتسيا باسقارماسىنا 21 ساۋىردە ارىزدانعانىن جەتكىزدى.
قازىرگى ۋاقىتتا تەرگەۋ جۇرگىزىلىپ جاتىر, زورلىق-زومبىلىق ارەكەتتەرىنىڭ جاسالعانىن انىقتاۋ ءۇشىن ساراپتاما تاعايىندالدى.
