ءتىلسىز جاۋدىڭ سالدارىنان تۇرعىندار بار مۇلكى مەن قۇجاتىنان ايىرىلعان. ءورت جالپى اۋماعى 200 شارشى مەتردى شارپىعان.
زارداپ شەككەندەردىڭ ايتۋىنشا, ءورت سوندىرۋشىلەر كەلگەنشە سىرتقا وزدەرى شىعىپ ۇلگەرگەن. كەيبىرەۋلەر ەكىنشى قاباتتىڭ تەرەزەسىنەن سەكىرگەن.
«مەنىڭ ەكى بالام بار, ءبىز ەكىنشى قاباتتان سەكىردىك. قۇجاتتارىمدى الىپ ۇلگەردىم. ەكى بولمەلى پاتەردى 50 مىڭعا جالداپ كەلدىك. بار مۇلكىم سۋ بولدى, پايدالانۋعا جارامسىز. بارار جەرىمىز جوق. سپورت زالدا تۇرىپ جاتىرمىز», دەدى جاتاقحانا تۇرعىنى اينۇر سافاروۆا.
الاتاۋ اۋدانى كوممۋنالدىق شارۋاشىلىق ءبولىمىنىڭ باسشىسى قانات اشىربەكوۆتىڭ ايتۋىنشا, ورتتەن زارداپ شەككەندەر ىستىق تاماقپەن جانە قاجەتتى كەرەك-جاراقپەن قامتىلعان.
ء«بىرىنشى قاباتتا كولىك جوندەۋ ورتالىعى, ەكىنشى جانە ءۇشىنشى قاباتتا تۇرعىن ءۇي ورنالاسقانى انىقتالدى. قازىر قۇرىلىستىڭ قۇجاتتارى تەكسەرىلىپ جاتىر. سونىڭ قورىتىندىسى نەگىزىندە شەشىم قابىلدانادى», دەدى الاتاۋ اۋدانى توتەنشە جاعدايلار جونىندەگى باسقارما باسشىسى نۇرلان تاۋبەكوۆ.
