پاۆلودار وبلىستىق تجد ءباسپاسوز قىزمەتىنىڭ مالىمدەۋىنشە, قايعىلى وقيعا 11 مامىردا بولعان.
«11 مامىر 18:04-تە 112 جەلىسىنە ەكىباستۇز قالاسى ب.مومىش ۇلى كوشەسى, 88 ۇيدەگى پاتەرلەردىڭ بىرىندە ايەل كىسىنىڭ ەسىك اشپاعانى, ىشتەن ەشبىر بەلگىنىڭ جوقتىعى تۋرالى حابارلاما كەلىپ ءتۇستى», دەپ جازىلعان حابارلامادا.
قۇتقارۋ قىزمەتىنە ايەلدىڭ كۇيەۋى حابارلاسقان. ونىڭ ايتۋىنشا, تاڭەرتەڭ جۇمىسقا كەتىپ, كەشكە ۇيىنە ورالعاندا پاتەرىنە كىرە الماعان. سەبەبى, پاتەر ەسىگى ىشكى جاقتان جابىلعان.
قۇتقارۋشىلار وقيعا ورنىنا كەلىپ, پوليتسيا قىزمەتكەرلەرى مەن كۇيەۋىنىڭ قاتىسۋىمەن پاتەردى اشقان.
«قۇتقارۋشىلار الپينيستەردىڭ كومەگىمەن ءۇيدىڭ توبەسىنەن ارقان ارقىلى 5-ءشى قاباتتىڭ بالكونىنا ءتۇستى. وسىلايشا, ىشكە كىرگەندە پاتەردەن 1966 جىلى دۇنيەگە كەلگەن ايەلدىڭ جانسىز دەنەسى تابىلدى», دەلىنگەن حابارلامادا.
