تجد مالىمەتىنشە, ءورت 11 تۇرعىن ءۇيدى, التى شارۋاشىلىق قۇرىلىس نىسانى مەن ءتورت اۆتوكولىك, ونىڭ ىشىندە ءبىر جۇك كولىگىن جويىپ جىبەردى. ەكى تۇرعىن ءۇي جارتىلاي ءب ۇلىندى, جالپى 1000 شارشى مەتر الاڭ زارداپ شەكتى. جانعان قامىستىڭ اۋماعى1,5 گەكتاردان استى.
ءورتتى ءسوندىرۋ قاتتى جەل مەن تۇتىننەن قيىنداعانى حابارلاندى. زارداپ شەككەندەر مەن قازا بولعاندار جوق, نابەرەجنايا كوشەسىنەن 25 ادام ەۆاكۋاتسيالاندى.
ەۆاكۋاتسيالانعان ادامدار «درۋجبا» ەمدەۋ-ساۋىقتىرۋ ورنىنا ورنالاستىرىلدى. الداعى ۋاقىتتا ولارعا كومەك كورسەتىلەدى. ءورت ساعات 20.15-تە اۋىزدىقتالىپ, جەرگىلىكتى ۋاقىت بويىنشا ساعات 21.24-تە ءسوندىرىلدى.
ءورتتى سوندىرۋگە تجد مەن قوستانايدىڭ باسقا دا قىزمەتتەرىنىڭ ونداعان قىزمەتكەرى مەن تەحنيكاسى جۇمىلدى. وقيعانىڭ سەبەبى مەن شىعىن انىقتالىپ جاتىر.
ايانا توعانبەك
