«اتموسفەرالىق فرونتالدى بولىكتەردىڭ وتۋىنە بايلانىستى ەلىمىزدىڭ باسىم بولىگىندە جاڭبىر, ەلدىڭ وڭتۇستىگىندە, وڭتۇستىك-شىعىسىندا قاتتى جاڭبىر جاۋادى. قازاقستاننىڭ باتىسىندا, وڭتۇستىك-باتىسىندا, سولتۇستىگىندە, سولتۇستىك-شىعىسىندا جوعارى قىسىم اۋماعىنىڭ اسەرىنەن جاۋىن-شاشىنسىز اۋا رايى بولادى. رەسپۋبليكا بويىنشا نايزاعاي ويناپ, جەل كۇشەيىپ, ەلدىڭ وڭتۇستىگىندە, وڭتۇستىك-شىعىسىندا بۇرشاق جاۋىپ, سولتۇستىگىندە, شىعىسىندا تۇمان تۇسەدى», دەلىنگەن «قازگيدرومەت» رمك ءباسپاسوز حابارلاماسىندا.
جامبىل وبلىسىنىڭ سولتۇستىگىندە, وڭتۇستىگىندە جانە تاۋلى اۋداندارىندا نايزاعاي, بۇرشاق, داۋىل بولادى, وبلىستىڭ وڭتۇستىك-باتىسىندا, سولتۇستىك-شىعىسىندا جانە تاۋلى اۋداندارىندا جەل 15-20, كەي ۋاقىتتا 25 م/س كۇشەيەدى.
تاڭەرتەڭ جانە كۇندىز الماتى وبلىسىنىڭ وڭتۇستىگىندە جانە تاۋلى اۋداندارىندا نايزاعاي, بۇرشاق, داۋىل بولادى, نايزاعاي كەزىندە جەل 15-20, ەكپىنى 25 م/س كۇشەيەدى.
تۇركىستان وبلىسىنىڭ سولتۇستىگىندە, وڭتۇستىگىندە, باتىسىندا, تاۋلى جانە تاۋ بوكتەرىندەگى اۋداندارىندا نايزاعاي ويناپ, بۇرشاق جاۋىپ, داۋىل سوعادى, نايزاعاي كەزىندە جەل 17-22 م/س كۇشەيەدى.
قاراعاندى وبلىسىنىڭ سولتۇستىگىندە, شىعىسىندا, ورتالىعىندا نايزاعاي وينايدى, جەل 15-20 م/س كۇشەيەدى.
قوستاناي وبلىسىنىڭ وڭتۇستىگىندە نايزاعاي وينايدى, جەل 15-20 م/س كۇشەيەدى.
كۇندىز اقمولا وبلىسىنىڭ وڭتۇستىك-باتىسىندا نايزاعاي ويناپ, وڭتۇستىگىندە جەل 15-20 م/س كۇشەيەدى.
تۇندە شىعىس قازاقستان وبلىسىنىڭ سولتۇستىگىندە تۇمان تۇسەدى, وڭتۇستىك-باتىسىندا جەل 15-20 م/س كۇشەيەدى.
قىزىلوردا وبلىسىنىڭ شىعىسىندا نايزاعاي ويناپ, داۋىل سوعادى.
تۇندە جانە تاڭەرتەڭ سولتۇستىك قازاقستان وبلىسىنىڭ شىعىسىندا تۇمان تۇسەدى.
باتىس قازاقستان وبلىسىنىڭ وڭتۇستىگىندە, اقتوبە وبلىسىنىڭ سولتۇستىگىندە, ورتالىعىندا, پاۆلودار وبلىسىنىڭ ورتالىعىندا توتەنشە ءورت قاۋپى ساقتالادى.
