«سوتقا جولدانعان ىستەر بويىنشا جابىرلەنۋشىلەرگە سوماسى شامامەن 100 ملن تەڭگە بولاتىن زارداپتىڭ ورنى تولتىرىلعانىن اتاپ وتكىم كەلەدى. بۇل پوليتسيا قىزمەتكەرلەرىنىڭ ۇرلانعان م ۇلىكتى انىقتاۋى جانە الىپ قويۋى, سونداي-اق ايىپتالۋشىلاردىڭ سوتقا دەيىنگى تەرگەپ-تەكسەرۋ, ونىڭ ىشىندە سوت تەرگەۋى كەزەڭىندە زارداپتىڭ ورنىن تولتىرعانى ناتيجەسىندە قامتاماسىز ەتىلدى», دەيدى سانجار ءادىلوۆ ورتالىق كوممۋنيكاتسيالار قىزمەتىندە وتكەن بريفينگىدە.
ايتۋىنشا, وتكەن اپتادا 12 كۇدىكتى كۇزەتپەن ۇستاۋدان بوساتىلعان. ياعني, بۇلتارتپاۋ شاراسى وزگەرتىلگەن.
«بۇگىنگى تاڭدا ىشكى ىستەر ورگاندارىنىڭ ىستەرى بويىنشا بارلىعى 333 كۇدىكتى وسى نەگىزدەر بويىنشا كۇزەتپەن ۇستاۋدان بوساتىلدى. ولاردىڭ ىشىندە 96 ادامدى بۇلتارتپاۋ شاراسى ۇيقاماققا اۋىستىرىلدى. 78 ادام كەپىل ارقىلى, 67 ادام ەشقايدا كەتپەۋ جانە دۇرىس مىنەز-ق ۇلىق تۋرالى قولحات ارقىلى جانە 11 ادام جەكە كەپىلگەرلىك ارقىلى بۇلتارتپاۋ شاراسىن وزگەرتۋگە مۇمكىندىك الدى. ودان باسقا سوتتاردىڭ ۇكىمدەرى بويىنشا 81 سوتتالۋشى كۇزەتپەن ۇستاۋدان بوساتىلدى», دەگەن ءىىم وكىلى الماتىدا «ماگنۋم» سۋپەرماركەتىنەن ازىق-ت ۇلىكتى ۇرلاعان ءبىر كۇدىكتىنىڭ دە بوساتىلعانىن اتاپ ءوتتى.
«تەرگەۋ بارىسىندا كۇدىكتى تولىعىمەن ماتەريالدىق زالالدىڭ ورنىن تولتىردى. سوتتىڭ ۇكىمىمەن ول كىنالى دەپ تانىلدى. بىراق جابىرلەنۋشى تاراپتان تالاپتاردىڭ بولماۋى ەسكەرىلىپ, ول بوساتىلدى, دەگەنمەن وعان ەكى جىلعا باس بوستاندىعىن شەكتەۋ تۇرىندە جازا قولدانىلدى», دەدى تەرگەۋ دەپارتامەنتىنىڭ باستىعى.
