«قازگيدرومەت» مالىمەتىنشە, ەلىمىزدىڭ باتىسىندا اۋا تەمپەراتۋراسىنىڭ تومەندەۋىنە سەبەپ بولعان سولتۇستىك-باتىس انتيتسيكلونى رەسپۋبليكانىڭ سولتۇستىك-باتىس, سولتۇستىك, ورتالىق ايماقتارىنا ودان ءارى قاراي جىلجۋىن جالعاستىرادى.
تەرمومەتر باعاندارى تۇنگى ۋاقىتتا 6 گرادۋس اياز - 5 گرادۋس جىلىعا دەيىن, قاراعاندى وبلىسىنىڭ وڭتۇستىگىندە 10-15 گرادۋس جىلىعا, كۇندىز 7-23 گرادۋس جىلىعا دەيىن تومەندەيدى. تۇندە جانە تاڭەرتەڭ تۇمان كۇتىلەدى.
قازاقستاننىڭ وڭتۇستىك جارتىسىنا كەلەر بولساق, مۇندا وڭتۇستىك تسيكلون اسەرىنەن جاڭبىر جاۋادى, كەي جەرلەردە قاتتى جاۋىن, نايزاعاي, بۇرشاق, داۋىل بولادى, جەلدىڭ كۇشەيۋى - 15-20, ەكپىنى سەكۋندىنا 23-28 مەتر بولادى.
«وب شىعاناعى ايماقتارىنان كەلەتىن تسيكلوننىڭ اسەرىنەن 5 مامىرعا تاياۋ رەسپۋبليكانىڭ باسىم بولىگىندە تۇراقسىز اۋا رايى ساقتالادى, سايكەسىنشە نايزاعاي ويناپ, جاڭبىر جاۋادى, جەلدىڭ جىلدامدىعى سەكۋندىنا 15-20 مەترگە دەيىن جەتەدى», دەدى «قازگيدرومەت» وكىلدەرى.
جالپى, رەسپۋبليكانىڭ باسىم بولىگىندە مامىردىڭ باسىندا اۋا تەمپەراتۋراسىنىڭ ايتارلىقتاي تومەندەۋىنە قاراماستان, ول اقىرىنداپ كوتەرىلەدى, اپتانىڭ سوڭىنا قاراي كۇندىز اۋا تەمپەراتۋراسى 13-25 گرادۋس جىلى بولادى. ەلدىڭ وڭتۇستىگىندە, وڭتۇستىك-شىعىسىندا ايتارلىقتاي تەمپەراتۋرا اۋىتقۋى كۇتىلمەيدى.
