ايماقتار • 28 ءساۋىر، 2022

الماتىدا كوپقاباتتى ۇيدەن قۇلاپ كەتكەن 4 جاسار قىز امان قالدى

35 رەت كورسەتىلدى

الماتىلىق دارىگەرلەر تۇرعىن ءۇيدىڭ سەگىزىنشى قاباتىنان قۇلاعان 4 جاسار قىزدى امان الىپ قالدى، دەپ حابارلايدى Egemen.kz.

 

الماتى قالالىق دەنساۋلىق ساقتاۋ باسقارماسىنىڭ مالىمەتىنشە، جازاتايىم وقيعا 7 ءساۋىر كۇنى بولعان. 4 جاستاعى كىشكەنتاي قىز الماتىدا تۇرعىن ۇيلەردىڭ ءبىرىنىڭ سەگىزىنشى قاباتىنان قۇلاپ كەتكەن. اۋرۋحاناعا جەدەل جاردەم كولىگىمەن جەتكىزىلدى. تۇسكەن كەزدە بالانىڭ جاعدايى وتە اۋىر بولدى. دارىگەرلەر تەكسەرىپ وعان قوسارلانعان جاراقات دەگەن دياگنوز قويدى.

«باس-ميى سوعىلىپ، ەكى وكپەسى جىرتىلىپ كەتكەن. اسىرەسە، سول جاق وكپەسى قاتتى زاقىمدانعان. سونىمەن قاتار وكپە قۋىسىندا قان، اۋا جينالىپ قالعانى انىقتالدى. بالاعا شۇعىل تۇردە وتا جاسالدى. وپەراتسيا كەزىندە ءبىز سول جاق وكپەسىن تىكتىك. كىشكەنتاي ناۋقاس بەس كۇن جانساقتاۋ بولىمىندە جاتتى. كەيىن جاعدايى جاقسارعان سوڭ پالاتاعا اۋىستىردىق. 25 ءساۋىر كۇنى اۋرۋحانادا ۇيىنە شىقتى»، دەدى بالالار شۇعىل مەديتسينالىق جاردەم ورتالىعى باس دارىگەرىنىڭ ورىنباسارى دىنمۇحامەد رۋزۋددينوۆ.

دارىگەردىڭ ايتۋىنشا، ماماندار ونىڭ جاعدايىن كۇن سايىن باقىلاپ وتىرادى.

«پەرىشتەسى قاققان قىز بالانى اتا-اناسى الداعى ۋاقىتتا مىندەتتى تۇردە وڭالتۋدان وتكىزۋلەرى كەرەك»، دەدى دارىگەر.



 

سوڭعى جاڭالىقتار

ەرلىككە تولى ەڭبەك

قازاقستان • كەشە

شيراز بۇلب ۇلى

ادەبيەت • كەشە

اتا جۇرتتا

ادەبيەت • كەشە

اباي وبلىسىنىڭ اتى وزدى

ايماقتار • كەشە

ۇقساس جاڭالىقتار