قوعام • 27 ءساۋىر، 2022

E-Salyq Business قوسىمشاسى سالىق راسىمدەرىن جەڭىلدەتتى

67 رەت كورسەتىلدى

مەملەكەتتىك كىرىستەر كوميتەتى E-Salyq ءBusiness موبيلدى قوسىمشاسىن ازىرلەپ، ىسكە قوستى، دەپ حابارلايدى Egemen.kz.

بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە قر قم مەملەكەتتىك كىرىستەر كوميتەتى توراعاسىنىڭ ورىنباسارى ازامات پانباەۆ ءمالىم ەتتى.

– قوسىمشانى ازىرلەۋدەگى نەگىزگى ماقسات – مەملەكەت باسشىسىنىڭ جەكە كاسىپكەرلەردىڭ سالىق مىندەتتەمەلەرىن ورىنداۋ راسىمدەرىن تۇبەگەيلى جەڭىلدەتۋ تۋرالى تاپسىرماسىن ورىنداۋ. ول 2022 جىلعى 1 قاڭتاردان باستاپ ەل اۋماعىندا قولدانىسقا ەنگىزىلدى. بۇل تەگىن قوسىمشانى App Store، Play Market جانە App Gallery-دەن جۇكتەۋگە بولادى. بۇگىنگى تاڭدا قوسىمشانى 27 مىڭنان استام كاسىپكەر پايدالانۋدا، – دەدى ازامات پانباەۆ.

E-Salyq Business ءموبيلدى قوسىمشاسى بىرقاتار سالىق راسىمدەرىن جەڭىلدەتتى.

  • ءموبيلدى قوسىمشانىڭ فۋنكتسيونالى: جەكە كاسىپكەر رەتىندە تىركەلۋگە;
  • كاسسالىق چەكتىڭ ورنىنا ءموبيلدى قوسىمشانىڭ چەگىن بەرۋگە;
  • قوسىمشادا بەرىلگەن چەكتەر نەگىزىندە كاسىپكەردىڭ كىرىس ەسەبىن جۇرگىزۋگە;
  • سالىقتار مەن الەۋمەتتىك تولەمدەردى اۆتوماتتى تۇردە ەسەپتەۋگە;
  • جالدامالى قىزمەتكەرلەردىڭ جانە ولاردىڭ تابىستارىنىڭ ەسەبىن جۇرگىزۋگە;
  • وڭايلاتىلعان دەكلاراتسيانى تاپسىرۋعا (910.00 نىسان);
  • كاسىپكەرلىك قىزمەتتى وڭايلاتىلعان تارتىپتە توقتاتۋعا مۇمكىندىك بەرەدى.

ودان بولەك، E-Salyq Business-تە ىڭعايلى سەرۆيستەر ازىرلەنۋدە. ولاردىڭ كومەگىمەن:

  • سالىق ورگاندارىنىڭ جىبەرگەن حابارلاماسىن الۋعا;
  • ءبىر تولەم قۇجاتىمەن بىرنەشە سالىقتى تولەۋگە;
  • ارتىق نە قاتە تولەنگەن سالىقتاردى الداعى سالىقتار ەسەبىنە جاتقىزۋعا نەمەسە قايتارىپ الۋعا بولادى.

سونداي-اق بىرقاتار انىقتامانى دا الۋ مۇمكىندىگى بار. مىسالى، جەكە كاسىپكەر رەتىندە تىركەلۋ تۋرالى، ونىڭ جانە ونىڭ جۇمىسشىلارىنىڭ تابىسى تۋرالى انىقتامالاردى الا الاسىز. بۇلاردىڭ بارلىعى تالاپ ەتىلگەن جەرگە ۇسىنۋعا ارنالعان.

وسىلايشا، ءموبيلدى قوسىمشادا جەكە كاسىپكەردىڭ سالىق مىندەتتەمەسىن ورىنداۋدىڭ بارلىق ومىرلىك تسيكلى قاراستىرىلعان.

سوڭعى جاڭالىقتار

اينالما جولدىڭ ازابى

ايماقتار • كەشە

ۇقساس جاڭالىقتار