اتموسفەرالىق فرونتتاردىڭ سالدارىنان شىعىستا, وڭتۇستىكتە, وڭتۇستىك-شىعىستا جاڭبىر جاۋادى. الماتى وبلىسىنىڭ شىعىسىندا قاتتى جاڭبىر جاۋادى. ال رەسپۋبليكانىڭ قالعان بولىگى انتيتسيكلوننىڭ ىقپالىندا بولادى. بۇل جاۋىن-شاشىنسىز اۋا رايى مەن اۋا تەمپەراتۋراسىنىڭ كوتەرىلۋىنە ىقپال ەتەدى.
رەسپۋبليكا بويىنشا تۇمان, جەلدىڭ كۇشەيۋى, وڭتۇستىك وڭىرلەردە نايزاعاي جارقىلداپ, داۋىل كۇتىلەدى. الماتى وبلىسىنىڭ الاكول كولدەرىندە جەلدىڭ جىلدامدىعى 20-25, ەكپىنى 30 م/س جانە ودان دا كوپ بولادى دەپ كۇتىلۋدە.
تۇركىستان وبلىسىنىڭ تاۋلى اۋداندارىندا كۇن كۇركىرەيدى, جەل 15-20 م/س كۇشەيەدى, جامبىل وبلىسىنىڭ تاۋلى اۋداندارىندا كۇن كۇركىرەيدى, تاڭەرتەڭ جانە كۇندىز وڭتۇستىك-باتىستا, سولتۇستىك-شىعىستا, تاۋلى اۋدانداردا جەل 15-20 م/س كۇشەيەدى.
تۇندە جانە تاڭەرتەڭ قوستاناي وبلىسىنىڭ سولتۇستىك-شىعىسىندا تۇمان تۇسەدى, كۇندىز وبلىستىڭ سولتۇستىگىندە جەلدىڭ جىلدامدىعى 15 م/س جەتەدى, اقمولا وبلىسىنىڭ سولتۇستىك-شىعىسىندا جەلدىڭ جىلدامدىعى 15-20 م/س جەتەدى, كۇندىز سولتۇستىك قازاقستان وبلىسىنىڭ شىعىسىندا جەلدىڭ كۇشى 15-20 م / س جەتەدى.
اتىراۋ وبلىسىنىڭ شىعىسىندا 15-20 م / س جەل كۇشەيەدى, تۇندە قاراعاندى وبلىسىنىڭ باتىسى مەن شىعىسىندا تۇمان تۇسەدى.
