جانتۇرشىگەرلىك وقيعا 21 ساۋىردە بولعان. وقيعا دەرەگىن شىعىس قازاقستان وبلىسىنىڭ پوليتسيا دەپارتامەنتى راستادى.
شقو پد جەرگىلىكتى پوليتسيا قىزمەتى باسقارماسى باستىعىنىڭ ورىنباسارى اندرەي لاريونوۆتىڭ ايتۋىنشا, «نەفتەبازا» ايالداماسىندا King long اۆتوبۋسىنىڭ 59 جاستاعى جۇرگىزۋشىسى جولاۋشىلار كولىكتەن قاۋىپسىز ءتۇسۋىن قامتاماسىز ەتپەي, قوزعالا بەرگەن جانە سول كەزدە كىشكەنتاي جولاۋشىنى قاعىپ كەتكەن.
2017 جىلى تۋعان قىز العان جاراقاتتارىنان كەيىن وقيعا ورنىندا كوز جۇمعان.
«وسى جول-كولىك وقيعاسى دەرەگى بويىنشا قر قىلمىستىق كودەكسى 345-بابىنىڭ 3-بولىگى («كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن بۇزىپ, ابايسىزدا ادام ولىمىنە اكەپ سوعۋى») بويىنشا سوتالدى تەرگەۋ باستالدى», دەپ حابارلادى شقو دپ ءباسپاسوز قىزمەتىندەگىلەر.
قازىرگى ۋاقىتتا بىرقاتار سوت-مەديتسينالىق ساراپتاما تاعايىندالدى, ونىڭ قورىتىندىسى بويىنشا پروتسەسسۋالدىق شەشىم شىعارىلادى. سونداي-اق پوليتسەيلەر قر قىلمىستىق-پروتسەستىك كودەكسىنىڭ 201-بابىنا سايكەس وزگە مالىمەتتەردى جاريا ەتۋگە بولمايتىنىن اتاپ ءوتتى.
