«اتموسفەرالىق فرونتالدى بولىكتەر قازاقستاننىڭ باسىم بولىگىنە ءوز اسەرىن ساقتايدى – جاڭبىر جاۋادى, وڭتۇستىكتىڭ تاۋلى اۋداندارىندا قاتتى جاڭبىر, سولتۇستىكتە جاۋىن-شاشىن بولادى. رەسپۋبليكا بويىنشا جەل كۇشەيىپ, سولتۇستىكتە تۇمان ءتۇسىپ, وڭتۇستىكتە نايزاعاي ويناپ, بۇرشاق جاۋىپ, داۋىل سوعادى», دەلىنگەن «قازگيدرومەت» رمك ءباسپاسوز حابارلاماسىندا.
اتاپ ايتقاندا, تۇندە اقمولا وبلىسىنىڭ سولتۇستىگىندە, وڭتۇستىگىندە, كۇندىز باسىم بولىگىندە جەل 15-20, كۇندىز سولتۇستىگىندە, شىعىسىندا ەكپىنى 23 م/س, سولتۇستىك-باتىسىندا, شىعىسىندا تۇمان تۇسەدى.
قاراعاندى وبلىسىندا تۇندە سولتۇستىگىندە, كۇندىز باسىم بولىگىندە جەل 15-20 م/س, كۇندىز كەي جەرلەرىندە 25 م/س كۇشەيەدى, سولتۇستىك قازاقستان وبلىسىندا كۇندىز جەل 15-20, ەكپىنى 25 م/س كۇشەيەدى.
الماتى وبلىسىنىڭ تاۋلى اۋداندارىندا بۇرشاق جاۋىپ, داۋىل سوعادى, نايزاعاي كەزىندە جەل 17-22 م/س, الاكول كولدەرى اۋدانىندا 25 م/س كۇشەيەدى.
جامبىل وبلىسىنىڭ تاۋلى اۋداندارىندا بۇرشاق جاۋىپ, داۋىل سوعادى. شىعىس قازاقستان وبلىسىنىڭ سولتۇستىك-باتىسىندا, سولتۇستىگىندە جەل 15-20 م/س كۇشەيەدى.
پاۆلودار وبلىسىنىڭ وڭتۇستىگىندە جەل 15-20 م/س كۇشەيەدى, قوستاناي وبلىسىنىڭ سولتۇستىك جارتىسىندا تۇمان ءتۇسىپ, كۇندىز سولتۇستىكتە, شىعىستا جەل 15-20 م/س كۇشەيەدى, تۇندە جانە تاڭەرتەڭ ماڭعىستاۋ وبلىسىنىڭ باتىسىندا جەل 15-20 م/س دەيىن كۇشەيەدى, كۇندىز وڭتۇستىك-باتىستا, باتىس قازاقستان وبلىسىنىڭ سولتۇستىگىندە جەل 15-20 م / س كۇشەيەدى.
باتىس قازاقستان وبلىسىنىڭ وڭتۇستىگىندە, اقتوبە وبلىسىنىڭ سولتۇستىگىندە, ورتالىعىندا توتەنشە ءورت قاۋپى ساقتالادى.
