ەكونوميكا • 20 ءساۋىر، 2022

قازاقستان ەكونوميكاسىنىڭ ءوسۋ بولجامى 2،1%-عا دەيىن تومەندەدى

24 رەت كورسەتىلدى

پارلامەنت ماجىلىسىندەگى وتىرىستا ۇلتتىق ەكونوميكا ءمينيسترىنىڭ مىندەتىن اتقارۋشى تيمۋر جاقسىلىقوۆ مۇناي باعاسىنىڭ ارتقانىن مالىمدەدى، دەپ حابارلايدى Egemen.kz.

«ماكروكورسەتكىشتەردىڭ بولجامى سىرتقى ەكونوميكالىق جاعدايدى، الەمدىك ەكونوميكانىڭ دامۋىن باعالاۋ، سونىمەن قاتار مۇناي نارىعىنداعى ۇردىستەردى ەسكەرە وتىرىپ ناقتىلاندى. ماسەلەن، جىل باسىنان بەرى ەل ەكونوميكاسىنىڭ ءوسۋىنىڭ وڭ سەرپىنى بايقالعان. جالپى ىشكى ءونىمنىڭ ءوسۋ قارقىنى قاڭتار-اقپان ايلارىندا 3،5%-دى قۇرادى.

جىل باسىنان بەرى مۇنايدىڭ ورتاشا باعاسى باررەلىنە 98 اقش دوللار بولدى. بۇل رەتتە دۇنيەجۇزىلىك قارجى ۇيىمدارىنىڭ 2022 جىلى مۇناي باعاسى بويىنشا بولجامى 74 اقش دوللاردان  105 اقش دوللارىنا دەيىن قالىپتاسۋدا. وسىعان بايلانىستى ماكروكورسەتكىشتەردى ناقتىلاۋ كەزىندە مۇنايدىڭ ورتاشا جىلدىق باعاسى باررەلىنە 90 اقش دوللار دەڭگەيىندە ايقىندالدى»، دەدى ت. جاقسىلىقوۆ.

ونىڭ ايتۋىنشا، S&P Global Ratings اگەنتتىگى 2022 جىلى الەمدىك ەكونوميكانىڭ ءوسۋ بولجامىن 4،2%-دان 3،6%-عا دەيىن تومەندەتتى. جوعارىدا ايتىلعانداردى ەسكەرە وتىرىپ، ەل ەكونوميكاسىنىڭ ءوسۋ بولجامى 3،9%-دان 2،1%-عا دەيىن تومەندەدى.

«رەسپۋبليكالىق بيۋدجەتتىڭ كىرىسى 2022 جىلى 10،2 ترلن تەڭگە كولەمىندە باعالانادى، بۇل – بەكىتىلگەن جوسپاردان 955 ملرد تەڭگەگە جوعارى كورسەتكىش. كىرىستەر مۇنايعا بولجامدى باعانىڭ ۇلعايۋى جانە اقش دوللارىنا تەڭگە باعامىنىڭ وزگەرۋى اياسىندا باج مولشەرلەمەسىنىڭ ارتۋى ەسەبىنەن مۇنايعا ەكسپورتتىق كەدەندىك باج بويىنشا، سونداي-اق ماكروەكونوميكالىق كورسەتكىشتەردىڭ ءوسۋى ەسەبىنەن كورپوراتيۆتىك تابىس سالىعى بويىنشا ۇلعايۋى مۇمكىن. ۇلتتىق قوردان كەپىلدەندىرىلگەن ترانسفەرتتىڭ مولشەرى 4 030 ملرد تەڭگەگە دەيىن نەمەسە  1 630 ملرد تەڭگەگە ۇلعايتىلادى»، دەدى ۇلتتىق ەكونوميكا ءمينيسترىنىڭ مىندەتىن اتقارۋشى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

5 ادام سۋعا كەتتى

قوعام • بۇگىن، 08:20

جاستارعا ارنالعان جارمەڭكە

قوعام • بۇگىن، 08:18

جاستار جۇمىسپەن قامتىلدى

قوعام • بۇگىن، 08:15

ۇقساس جاڭالىقتار