قوعام • 19 ءساۋىر، 2022

نورۆەگيادا جەرلەنگەن تاعى 18 قازاقستاندىق جاۋىنگەردىڭ ەسىمى انىقتالدى

113 رەت كورسەتىلدى

قازاقستاننىڭ وسلوداعى ەلشىلىگى ەكىنشى دۇنيەجۇزىلىك سوعىس كەزىندە وككۋپاتسيادا بولعان نورۆەگيادا تۇتقىندا قازا تاپقان قازاقستاندىق جاۋىنگەرلەردىڭ جاڭارتىلعان ءتىزىمىن جاريالادى، دەپ حابارلايدى Egemen.kz سىرتقى ىستەر مينيسترلىگىنە سىلتەمە جاساپ.

ولار الماتى قالاسى، اقمولا، اقتوبە، الماتى، جامبىل، قىزىلوردا، سولتۇستىك قازاقستان، تۇركىستان جانە شىعىس قازاقستان وبلىستارىنىڭ تۋمالارى نەمەسە سول وڭىرلەردەن اسكەرگە شاقىرىلعان. جاۋىنگەرلەردىڭ بەيىتتەرى ساننەشوەن (Tjøtta sovjetiske krigskirkegård)، ليللەحاممەر (Jørstadmoen)، بەرگەن (Åsane kirkegård) جانە ترونحەيم (Støren kirkegård) قالالارىنىڭ جانىنداعى كەڭەستىك اسكەري زيراتتاردا.

ءتىزىم «فالستاد ورتالىعى» (نورۆەگيا)، قازاقستان اۋماعىنان شاقىرىلىپ، وتان سوعىسى كەزىندە قازا تاپقان نەمەسە حابارسىز كەتكەن اسكەري قىزمەتشىلەر تۋرالى «مەموريال» دەرەكتەر بانكى، سونداي-اق رەسەيلىك «مەموريال» جيىنتىق دەرەكتەر بانكى سياقتى بىرنەشە كوزدەردەن الىنعان اقپاراتتى سالىستىرۋ ارقىلى جاسالعان. وندا ساربازدىڭ تۋعان جىلى مەن مەكەنى، اسكەرگە شاقىرۋ، قىزمەت ەتۋ، تۇتقىندالۋ، قايتىس بولۋ داتالارى جانە جەرلەنگەن جەرى، تۋىستارى تۋرالى مالىمەتتەر، سونداي-اق قولدا بار قۇجاتتارعا سىلتەمەلەر بەرىلگەن.

بۇگىنگى كۇنگە دەيىن نورۆەگيادا جەرلەنگەن كەڭەستىك اسكەريلەردىڭ شامامەن 15500-ءى تۋرالى بەلگىلى بولىپ، ولاردىڭ 7000-عا جۋىعىنىڭ ەسىمدەرى انىقتالدى. ونىڭ ىشىندە قازاقستاندىق سولداتتاردىڭ جالپى سانى - 74. قازا تاپقان ساربازداردىڭ كوبى ءبىر نەمەسە ەكى عانا مالىمەتتەر بازاسىندا كورسەتىلگەنى ىزدەۋدى قيىنداتادى. كوپتەگەن جاعدايدا سولدات ەسىمى مەن گەوگرافيالىق اتاۋلاردىڭ بۇرمالانىپ جازىلۋ پروبلەماسى دا بار.

ەلشىلىك جاريالانعان اقپارات ساربازداردىڭ ۇرپاقتارىن، تۋىستارى مەن جاقىندارىن تابۋعا كومەكتەسەدى، زەرتتەۋلەردى ودان ءارى جۇرگىزۋگە جانە سولداتتاردى ماڭگى ەستە قالدىرۋعا ۇلەس قوسادى دەپ ۇمىتتەنەدى.



 

سوڭعى جاڭالىقتار

دوللار باعاسى تاعى قىمباتتادى

ەكونوميكا • بۇگىن، 10:32

چەمپيوندى تابا الماي جاتىر

سپورت • بۇگىن، 07:59

«ورداباسى» جەڭىسكە جەتتى

سپورت • بۇگىن، 07:58

بۋبليك – ءۇشىنشى كەزەڭدە

سپورت • بۇگىن، 07:57

IQanat قاناتتاندىرعاندار

ايماقتار • بۇگىن، 07:55

اۋىلداعى داۋىل

ايماقتار • بۇگىن، 07:47

ەت وتكىزەتىن نارىق كەرەك

ەكونوميكا • بۇگىن، 07:40

ەڭ باستىسى – ەڭبەك قاۋىپسىزدىگى

ەكونوميكا • بۇگىن، 07:37

بوزكىلەمدە – بۇرىمدىلار

سپورت • بۇگىن، 07:33

بەرگەن سەرتكە بەرىكتىك

قازاقستان • بۇگىن، 07:30

پيك پەن ميب-ءتىڭ «شايقاسى»

قازاقستان • كەشە

ۇقساس جاڭالىقتار