بانك كارتالارىن ۇستاۋشىلارعا قايتالاناتىن نومىرلەردەن قوڭىراۋلار تۇسەدى. الاياقتار باعدارلامالىق قامتاماسىز ەتۋدى پايدالانىپ, بانكتەردىڭ رەسمي call-ورتالىقتارىنىڭ نومىرلەرىن كوشىرىپ, كارتا ۇستاۋشىلارعا قوڭىراۋ شالادى. سويلەسۋ كەزىندە وزدەرىن «بانك قىزمەتكەرىمىز» دەپ تانىستىرادى. بانك قىزمەتكەرىنىڭ ءرولىن شەبەر ورىنداي وتىرىپ, الاياقتار بانك كارتاسى بويىنشا الاياقتىق وپەراتسيالار جۇرگىزىلىپ جاتقانىن نەمەسە بىرەۋ نەسيەنى راسىمدەۋگە تىرىسىپ جاتقانىن حابارلايدى. اڭگىمەلەسۋ كەزىندە جەكە دەرەكتەردى, كارتا دەرەكتەمەلەرىن جانە SMS-پارولدەردى سۇرايدى. ءموبيلدى بانكينگتى پايدالانبايتىن جانە پايدالانۋ داعدىلارى جوق ادامدارعا AnyDesk قوسىمشاسىن جۇكتەۋ ۇسىنىلادى.
بۇل باعدارلاما كومپيۋتەرگە نەمەسە تەلەفونعا قاشىقتان قول جەتكىزۋگە ارنالعان. ياعني, قوسىمشانى ۇيالى تەلەفونعا جۇكتەcەڭىز, قاشىقتان باسقارۋ ءۇشىن الاياقتارعا جول اشىلادى. الاياقتاردىڭ سوزىنە الدانعان ازاماتتار ءوز اتتارىنا نەسيە راسىمدەپ, اقشالارىن شەتەلدىك شوتتارعا اۋدارادى.
وسى جىلى اتالعان سحەمانىڭ ارەكەتىنەن ەلوردانىڭ 500-دەن استام تۇرعىنى زارداپ شەكتى. جالپى ماتەريالدىق شىعىن 150 ميلليون تەڭگەدەن اسادى. بارلىق فاكتىلەر بويىنشا قازاقستان رەسپۋبليكاسى قىلمىستىق كودەكسىنىڭ 190-بابى (الاياقتىق) بويىنشا تەرگەۋ جۇرگىزىلۋدە.
ايانا توعانبەك
