ايماقتار • 18 ءساۋىر، 2022

الماتىدا ەر ادام ەسىرتكىنىڭ اسا ءىرى پارتياسىمەن ۇستالدى

47 رەت كورسەتىلدى

الماتىدا 60 جاستاعى ەر ادام ەسىرتكىنىڭ اسا ىرى پارتياسىمەن ۇستالدى، دەپ حابارلايدى Egemen.kz Polisia.kz. سايتىنا سىلتەمە جاساپ.

الماتى قالاسىندا اۋەزوۆ اۋدانىنىڭ پوليتسەيلەرى جانە ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى زاڭسىز اينالىمنان 4 كەلىدەن استام كەپتىرىلگەن ماريحۋانا مەن 1 كەلىگە جۋىق گاشيش ەسىرتكىسىن تاركىلەدى.

«پاۆلودار وبلىسىنىڭ 60 جاستاعى تۋماسى ساين كوشەسىندەگى ۇيلەردىڭ ءبىرىنىڭ تۇرعىندارىنىڭ ارىزىنان كەيىن جەدەل ۋاكىلدەردىڭ نازارىنا ءتۇستى. ارىزدانۋشىلاردىڭ ايتۋىنشا، كۇدىكتى ەسىرتكى ساتۋمەن اينالىسقان، ول تاۋارلاردى تىكەلەي گاراجدان تاراتىپ وتىرعان. گ.ەسىمدى ازاماتتىڭ قىلمىستىق ارەكەتى قۇجاتتالعان. گاراجدى ءتىنتۋ بارىسىندا كۇدىكتىدەن جاسىل جانە قوڭىر ءتۇستى وسىمدىك تەكتەس زاتى بار ءبىر بۋما، سونىمەن قاتار وق-ءدارى تاركىلەندى. ءشوپتىڭ ءبىر بولىگى ورالىپ، ساتۋعا دايىن تۇرعان. ساراپتاما قورىتىندىسىنا سايكەس، تاركىلەنگەن زات جالپى سالماعى 4 كەلى 567،01 گرامم كەپتىرىلگەن ماريحۋانا بولىپ شىقتى. تاعى ءبىر قوڭىر ءتۇستى زات – گاشيش. تاركىلەنگەن پارتيانىڭ سالماعى 730،71 گرامدى قۇرادى. ماسەلە ەسىرتكىنىڭ ۇلكەن پارتياسى تۋرالى بولىپ وتىر. ال تابىلعان وق-ءدارى – 9 مم كاليبرلى جاۋىنگەرلىك پاترون»، دەدى اۋەزوۆ اۋداندىق پوليتسيا باسقارماسىنىڭ باستىعى ۇلان ابىلقايىر.

اتالعان دەرەك بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىنىڭ ارەكەتتەرى قر قك-ءنىڭ 297-بابى 3-ءبولىمىنىڭ 3-تارماعى، 287-بابى 3-ءبولىمى بويىنشا سارالانادى. ەر ادام قاماۋعا الىندى.

ايانا توعانبەك

سوڭعى جاڭالىقتار

ۇقساس جاڭالىقتار