«ىشكى ىستەر مينيسترلىگى الاياقتاردىڭ جاڭا امالدارى تۋرالى ەسكەرتەدى. الاياقتار وزدەرىن تەرگەۋشىلەر رەتىندە تانىستىرىپ, پوليتسيانىڭ بولىمشەسىنە ونلاين-نەسيە راسىمدەلگەنى تۋرالى ازاماتتاردىڭ تۋىستارى نەمەسە تانىستارى حابارلاعانىن ايتادى. دەرەكتەردى ناقتىلاۋ ءۇشىن قىلمىسكەرلەر ازاماتتارعا شوتتار تۋرالى اقپاراتتى, سونداي-اق اتى-ءجونى مەن جسن سەكىلدى دەربەس اقپاراتتى ايتۋىن سۇرايدى», دەپ ءتۇسىندىردى شۇعىلا تۇرلىبەك.
ونىڭ ايتۋىنشا, بۇل ارەكەتتەردىڭ بارلىعى بانك كارتالارى مەن دەپوزيتتەرىنە قول جەتكىزىپ, ودان ءارى ولاردان اقشا اۋدارۋعا نەمەسە نەسيە الۋعا باعىتتالعان.
ەگەر سىزگە بانكتىڭ نەمەسە پوليتسيانىڭ قىزمەتكەرىمىن دەگەن قوڭىراۋ تۇسسە, مالىمەتتەردى ناقتىلاۋ ءۇشىن تەلەفوندى قويىپ, بانككە حابارلاسۋ كەرەك.
«پوليتسيا دا, بانك قىزمەتكەرلەرى دە ەشقاشان بانكتىك شوتتار نەمەسە دەربەس دەرەكتەر تۋرالى سۇرامايتىنىن ەستە ساقتاۋ قاجەت. بانك شوتتارىنىڭ قورعالۋىن قامتاماسىز ەتۋ ءۇشىن ءپارولدى ۇنەمى وزگەرتىڭىز, SMS راستاۋ تولەم جۇيەلەرىندەگى بارلىق قاۋىپسىزدىك جۇيەلەرىن ءوشىرىڭىز, IP مەكەنجايىن باقىلاڭىز», دەپ ءتۇسىندىردى دەپارتامەنت وكىلى.
ايانا توعانبەك
