جابىرلەنۋشى ءوزىنىڭ اتىنان نەسيە راسىمدەلگەنىن بانكتەن حابار كەلگەندە عانا بىلگەن.
«اتالعان جايتتى سوزاقتىق پوليتسەيلەر قر قك-ءنىڭ 190-بابى (الاياقتىق) بويىنشا تىركەدى. ارىزدانۋشىنىڭ شاعىمىنا سايكەس, ورىن العان الاياقتىق قىلمىسىن اشىپ, كۇدىكتىنى انىقتاۋ ماقساتىندا سوزاق اپب پوليتسەيلەرى قاجەتتى ءىس-شارالاردى جۇرگىزدى. تەكسەرۋ جۇمىستارى ناتيجەسىندە, پوليتسەيلەر وسى قىلمىسقا قاتىستى كۇدىكتىنى انىقتاپ, ونى تۇرعىلىقتى مەكەنجايىنان ۇستادى. الاياقتىق جاساعان جاس ايەل جەرگىلىكتى تۇرعىن جانە جابىرلەنۋشىنىڭ جۇمىستاعى ارىپتەسى بولىپ شىقتى», دەپ جازىلعان اقپارات كوزىندە.
كۇدىكتى جابىرلەنۋشىنىڭ تەلەفونىن قوڭىراۋ شالۋ ءۇشىن سۇراپ الىپ, بانك قوسىمشاسىنا كىرىپ, نەسيە راسىمدەگەنى بەلگىلى بولعان. سودان الاياق تۇرعىننىڭ ەسەپشوتىنا تۇسكەن اقشانى وزىنە اۋدارىپ, قوماقتى قاراجاتتى ءوز پايداسىنا جۇمساپ جىبەرگەن.
«قازىرگى تاڭدا سوتقا دەيىنگى تەرگەۋ امالدارى جۇرگىزىلىپ, كۇدىكتىنىڭ باسقا دا وسىنداي الاياقتىق قىلمىسىنا قاتىسى بار-جوعى انىقتالۋدا», دەيدى پوليتسيادان.
