ۆەدومستۆو باسشىسىنىڭ پايىمداۋىنشا, جىل باسىنان بەرى قۇرىلىس نىساندارىندا جالپى سوماسى 169 ملن تەڭگەدەن استام 615 اكىمشىلىك قۇقىق بۇزۋشىلىق تىركەلگەن.
ء«بىز جەرگىلىكتى اتقارۋشى ورگانداردىڭ ساۋلەت, قالا قۇرىلىسى جانە قۇرىلىس قىزمەتى سالاسىنداعى جۇمىستارىن تۇراقتى نەگىزدە ءوز باقىلاۋىمىزدا ۇستايمىز. ماسەلەن الماتى قالاسىندا تۇرعىن ءۇي كەشەندەرىنىڭ بىرىندە قۇرىلىس جۇمىستارى زاڭسىز جۇرگىزىلگەن. رۇقسات بەرەتىن قۇجاتتاردى ۋچاسكەنىڭ مەنشىك يەسى دە, قۇرىلىس سالۋشى دا ۇسىنباعان. قۇرىلىس سالۋشى پاتەرلەردى ساتىپ الۋ-ساتۋ شارتتارىن جاساسۋعا قۇقىعى بولماعانىنا قاراماستان, اتالعان تۇرعىن ءۇي كەشەنىندەگى پاتەرلەر ەركىن ساۋدالانعان. ءتىپتى, قۇرىلىس سالۋشىنىڭ ۇلەسكەرلەردەن اقشا تارتۋىنا رۇقسات بەرىلمەگەن», دەدى مينيستر.
وسىلايشا, بيىل 28 ناۋرىزدا الماتى قالا قۇرىلىسىن باقىلاۋ باسقارماسى كەيبىر عيماراتتاردا قۇرىلىس-مونتاجداۋ جۇمىستارىن توقتاتا تۇرۋ جانە انىقتالعان كەمشىلىكتەردى تۇزەتۋ تۋرالى ۇسىنىس بەردى. قازىرگى ۋاقىتتا قۇرىلىس جۇمىستارى توقتاتىلىپ, «تۇرعىن ءۇي قۇرىلىسىنا ۇلەستىك قاتىسۋ تۋرالى» زاڭ نورمالارىن بۇزعانى ءۇشىن قۇرىلىس سالۋشىعا قاتىستى حاتتاما تولتىرىلعان.
مينيستر سونىمەن بىرگە قاڭتار-ناۋرىز ايلارىندا يندۋستريا جانە ينفراقۇرىلىمدىق دامۋ مينيسترلىگىنىڭ جاۋاپتى كوميتەتى 32 تەكسەرۋ جۇرگىزىپ, ناتيجەسىندە 26 نۇسقاما بەرىلگەنى, سونداي-اق, 18 لاۋازىمدى تۇلعا اكىمشىلىك جاۋاپكەرشىلىككە تارتىلعانى جونىندە حابارلادى.
ەندىگى كەزەكتە يدم مەملەكەتتىك باقىلاۋ جانە وبەكتىلەردى پايدالانۋعا قابىلداۋ جۇيەسىن تولىعىمەن قايتا قارايتىن بولادى. بۇل رەتتە باقىلاۋ مەحانيزمىن كۇشەيتۋ جوسپارلانىپ وتىر. ونىڭ ىشىندە وبەكتىنىڭ پايدالانۋعا بەرۋ بويىنشا دايىندىعىن راستاۋ ءۇشىن نىسانداردى قابىلداۋ بارىسىندا مەملەكەتتىك ساۋلەت-قۇرىلىس باقىلاۋ ورگاندارىنىڭ مىندەتتى قاتىسۋى قامتاماسىز ەتىلەدى.
